Masalimo 96:10 - IBAYIBOLO 2024

¹⁰ Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Masalimo 96:10 Iomraidhean Croise

Masalimo 126:2

Po tukaseka, sona tukalulutila nu buhobosu, Po abantu aba inko izinji bakati, “U Mwene ababombeye ivintu ivikulu nkani.”

Masalimo 18:49

Wee Mwene, Po nkwiza pakukupala, pakasi pa inko zyosi. Nkwiza pakwimba inyimbo izyakulichindika itabwa lyako.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 46:6

Abantu aba inko izinji bakali, ubumwene ubwakulekanalekana bukutetema. Nanti u Chala akunena, ichisu chikusunguluka.

Masalimo 58:11

Po abantu bakwiza pakunena ukuti, “Naloli abagholosu bakupokela umuvwalo wabo. Naloliloli u Chala aliko yuyo akuchilonga ichisu ichapasi.”

Masalimo 59:13

Wee banangannye mubukalale bwako, ubanangannye mupaka bazimile bosi. Po abantu bakwiza pakumanya ukuti u Chala akumulaghila u Yakobo mupaka kubumalilo ubwa chisu ichapasi.

Masalimo 67:4

Abantu aba inko izinji bahobokaye, sona bimbaye pachifukwa icha buhobosu. Pakuti ukubalongela abantu aba inko zyosi mubwanaloli, sona ukubamanyisya abantu aba inko izinji pachisu ichapasi.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Masalimo 9:8

Akwiza pakuchilonga ichisu ichapasi mubugholosu, sona akwiza pakubalaghila abantu mubwanaloli.

Masalimo 9:9

U Mwene we wakuvwamamo abantu abakuyivyiwa sona we pakuponelamo pakabalilo akantamyo.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Yesaya 49:8

Izi zyo zizyo u Mwene akunena akuti, “Pakabalilo kane akakubapokela nkwiza pakubamula, sona pisiku ilya bupoki nkwiza pakubavwa, nkwiza pakubasungilila, nukubapela pakuba mwe lufingo ulwa bantu, nukuchinyosezyamo ichisu, pakuchigaba ichisu ichakunanganika chila pakuba mpyana,

Yesaya 52:7

Bo bwiza boni pamaghamba, inyayo izya muntu yuyo akwiza na mazyu amiza, yuyo akulumbilila nizya mutende, sona akwiza na mazyu amiza agha vintu ivyiza, akulumbilila nizya ubupoki, nukunena kuba mu Ziyoni ukuti, “U Chala winyu akulaghila!”

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Matayi 3:2

Akati, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

Aba Galatiya 1:16

akanvumbulila ane u Mwana wache, umwakuti imulumbilile pakasi pabantu babo bate ba Yuda. Intakabukako na ku muntu nayumoyumo pakulaba amahala, awe.

Aba Kolosi 2:7

Mwisimike na magululuzi ghinyu mumwache, mukulaye mulwitiko ukuyana namumo mukamanyiziliwa, sona mubanje bantu abakupalizya nkani.

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 19:11

Pisinda pache nkennya kumwanya kwighukite, po nkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa ubwite bwache mubwanaloli.

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!