Masalimo 96:1 - IBAYIBOLO 2024

¹ Mumwimbilaye u Mwene ulwimbo ulupya, mwee bantu bosi aba pachisu ichapasi, mwimbile u Mwene

Masalimo 96:1 Iomraidhean Croise

Masalimo 149:1

U Mwene apaliwanje. Mumwimbilaye u Mwene ulwimbo ulupya. Sona mumupalaye palukomano ulwa bantu bache abasubiliwa.

Masalimo 33:3

Mumwimbilaye ulwimbo ulupya, mumulizizyanje nu bwafundi amapango, sona mukulomokaye pachifukwa icha buhobosu.

Masalimo 66:4

Abantu bosi pachisu ichapasi bakukufughamilila, sona bakukwimbila inyimbo izya mapalo, pakulipala itabwa lyako.”

Masalimo 68:32

Mwee bamwene aba pachisu ichapasi, mumwimbilaye u Chala, mwimbilaye inyimbo izyakumupalizikizya u Mwene.

Masalimo 98:1

Mumwimbilaye u Mwene ulwimbo ulupya, pakuti abomba ivintu ivyakuswighisya. Inyobe yache indilo, sona inyobe yache izelu, vyamupa ubupoti.

Aba Loma 15:11

Sona Amasimbo ghakuti, “Mwe bantu babo bate ba Yuda mumupale u Mwene, sona mwe bantu abaluko losi mumupale.”

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.