Masalimo 95:7 - IBAYIBOLO 2024

⁷ Pakuti we Chala witu, po aswe twe bantu aba pabuzilo ubwa kudimapo, imidimo yiyo akuyisungilila. Po nanti ilelo mukwivwa izyu lyache,

Masalimo 95:7 Iomraidhean Croise

1 Imbili 16:14

U Mwene we Chala witu sona akuchilonga ichisu chosi ichapasi.

Masalimo 100:3

Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Masalimo 23:1

U Mwene we mudimi wane, ntakwiza pakusobelwapo nachimochimo.

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Masalimo 67:6

Po ichisu chikwiza pakwela ivikomwa vyache, sona u Chala witu akwiza pakutusaya.

Masalimo 74:1

Wee Chala, nkimba choni chicho watuleka twebene bwila na bwila? Nkimba ubukali bwako bukwaka ngati moto pa ng'ozi zyako?

Masalimo 79:13

Po aswe twe bantu bako, twe mudimo uwa pakulyezyezyapo ivitekwa, tukwiza pakukupala bwila na bwila, sona tukwiza pakukupalagha mupaka inkulilo zyosi izya muntazi.

Ukufuma 15:2

U Mwene we maka ghane, nu lwimbo lwane, sona aba bupoki bwane. We Chala wane, po nkwiza pakumupala, u Chala uwa tata wane, sona nkwiza pakumukwezya.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ivyili 8:6

Ivwa kuno, pakuti indi navyo ivintu ivyiza, ukuti imbabuzye. Nkwighula umulomo wane, ukuti imbabuzye ivintu ivigholosu.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Matayi 17:5

Bo u Pitala achili akunena, ibingu ilyakulama likabakupikila, sona izyu likivwika mwibingu likati, “Uyu Mwana wane umughaniwa, yuyo ihobokite nkani nawe. Mumwivwilaye!”

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Aba Hebeli 11:16

Loli bakachisamba ichisu ichiza nkani, chicho chisu icha kumwanya. Polelo u Chala atakukoziwa isoni ukwitiziwa ukuti we Chala wabo, pakuti abayanizizya akaya kabo akakulu nkani.

Aba Hebeli 3:13

Loli mukazannyanje isiku ni siku, bo tuli na Masimbo aghakuti, “Ilelo.” Bomba bunubu umwakuti nayumo umuntu mumwinyu atakazimbuliwe ni mbibi nukuba mukafu mumoyo.

Aba Hebeli 3:15

Amasimbo ghakuti, “Ilelo nanti mukwivwa izyu, mutakabanje na moyo amakafu ukuyana namumo mukabombela pakumusambukila u Chala.”

Aba Hebeli 4:7

Po u Chala akimika sona isiku ilinji ilyakuti, “Ilelo.” Po kale akanena ukwendela mwa Devedi akati, “Ilelo nanti mukwivwa izyu mutakabanje na moyo amakafu.”

1 Pitala 2:25

Amwe mukaba ngati zyo ng'ozi zizyo zisobelite, loli ilelo mwanyokela kwa Mudimi yuyo Musungilili uwa bumi bwinyu.

Ubuvumbuli 3:20

Ennya, nimiliye pamulyango nkukong'osya, nanti umuntu ivwa izyu lyane nukwighula umulyango, ane nkwiza pakwinjila nukulya poka nawe, sona wepe akwiza pakulya poka nane.