Masalimo 95:4 - IBAYIBOLO 2024

⁴ Ubwibizu ubwa chisu ichapasi buli munyobe zyache, sona zyope isonga izya maghamba amatali nkani zyache.

Masalimo 95:4 Iomraidhean Croise

Yobu 11:10

“Nanti u Chala iza nukukwighalila mujele, sona nanti iza nawe pamaso pa balongi, nkimba wewenu yuyo angamukanizya?”

Yobu 9:5

Akughabuyizya amaghamba, loli ghatakuzimanya, sona akughaghalabula mubukali bwache.

Masalimo 135:6

U Mwene akubomba ichintu chosi chicho chikumuhobosya, kumwanya na pachisu ichapasi, sona munyanja, na mosi mubwibizu.

Masalimo 21:2

Wamupa vivyo umoyo wache ghukuvinyonywanga, sona utakamwimagha zizyo akulaba nu mulomo wache.

Masalimo 65:6

Ukulanjizya amaka ghako amakulu nkani, pakughikazya amaghamba.

Masalimo 71:20

Napapo wantumila intamyo sona ni vyakubaba, loli ukwiza pakumpa sona amaka. Po ukwiza pakunyefyamo muchiliba ichibizu nkani.

Masalimo 97:5

Amaghamba ghakusunguluka ngati mpula pamaso pa Mwene, pamaso pa Mwene uwa ichisu chosi ichapasi.

Mika 1:4

Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Nahumu 1:5

Amaghamba ghakuneng'ena pamaso papache, sona utumaghamba tukusunguluka. Ichisu chikutetema pamaso papache, ichisu chosi ichapasi sona na babo bakwikala mulamula.

Habakuku 3:10

Amaghamba ghakakwennya nukutetema, nukusata ukufuma kumwanya, ubwibizu ubwanyanja bukazumagha ichongo, nukughakwezya amayigha ghache mumwanya.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.