Masalimo 95:2 - IBAYIBOLO 2024

² Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

Masalimo 95:2 Iomraidhean Croise

Masalimo 100:2

Mumwiputaye u Mwene nu buhobosu, sona zagha pamaso papache, bo mukwimba inyimbo.

Masalimo 100:4

Injila pamilyango yache, bo mukupalizya, sona mwinjilaye mulubinjilo lwache na mapalo. Mumupalizyanje, sona mulipalaye itabwa lyache.

Masalimo 105:2

Mumwimbilaye u Mwene, mumwimbilaye inyimbo izya mapalo, muzifumusyanje imbombo zyache izyakuswighisya.

Masalimo 17:13

Wee Mwene vundumuka, ubapotaye nukubawisya pasi, sona bombezya upanga wako umpokaye munyobe izya bantu ababibi.

Masalimo 7:7

Uzibungannye inko ukuti zikuzyungulilaye, po uzilongaye bo wikaye pachitengo chako kumwanya.

Masalimo 81:2

Imbagha inyimbo pakulizya ivisekeseke, lizya ivinanda na mapango vivyo vikulila akiza nkani.

Masalimo 98:4

Wee chisu ichapasi, kolomokagha pamaso pa Mwene, pachifukwa icha buhobosu, mumwimbilaye umwakuhoboka inyimbo izya mapalo.

Mika 6:6

Nkimba ningiza ni choni pamaso pa Mwene, nukumufughamilila u Chala uwakumwanya? Nkimba ningiza pamaso papache nivyakwiyipa ivyakocha ivya ngwata iya mwaka ghoka?

Aba Efeso 5:19

Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumupala mumoyo ghinyu.

Yakobo 5:13

Nkimba alipo umuntu yumo mumwinyu yuyo ali mumayimba? Iputaye. Fwandi, alipo yumo yuyo ahobokite? Imbaye inyimbo izyakumupala u Chala.