Masalimo 95:11 - IBAYIBOLO 2024

¹¹ Po nkalapa mubukalale bwane nkati, ‘Batakwiza pakwinjilamo nalumo muchisu chane icha butuzyo.’ ”

Masalimo 95:11 Iomraidhean Croise

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Ezekiyeli 13:9

Nkwiza pakabafunda abalaghuzi babo bakuvyennya ivisetuka ivyabumyasi sona bakulaghula ivyabumyasi. Batakwiza pakubangapo pankomano izya bantu bane pamo ukusimbiwa mumabuku agha ba Izilayeli, pamo ukwinjila ichisu icha Izilayeli. Po mukwiza pakumanya ukuti ane ne Mwene Uwamaka Ghosi.

Ukubelengiwa 14:23

Atalipo nayumo umuntu yuyo akwiza pakuchennya ichisu chicho nkalayizya ni chilapo ukuti nkwiza pakubapa abanyenya babo. Atalipo nayumo umuntu yuyo akankana akwiza pakuchennya.

Ukukumbusya Amalamulo 12:9

pachifukwa ichakuti muchili pakwinjila muchisu, chicho u Mwene u Chala winyu akubapa pakuba mpyana yinyu, mumo mukwiza pakwikalamo mumutende.

Aba Hebeli 3:11

Po nkakalala nkani nukulapa ukuti, ‘Batakwiza pakwinjilamo nalumolumo muchisu chane icha butuzyo chila.’ ”

Aba Hebeli 3:18

Nkimba bo bawenu babo akabalapila ukuti batakwiza pakwinjilamo nalumolumo muchisu chache icha butuzyo? Nkimba batakaba bantu babo bakamusambukila?

Aba Hebeli 4:3

Aswe twe tukusubila, tukwinjilamo mubutuzyo bula. Loli u Chala akababuzya abantu babo batakasubila akati, “Po nkakalala nkani nukulapa ukuti, ‘Batakwiza pakwinjilamo nalumolumo muchisu chane icha butuzyo chila.’ ” Ichisu icha butuzyo chinichi chikabako kale napo bo amala imbombo yache iyakupela ichisu ichapasi.

Aba Hebeli 4:5

Pafundo yiniyi akanena sona akati, “Batakwiza pakwinjilamo nalumolumo muchisu chane icha butuzyo, chicho nkabalayizya.”

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”