Masalimo 94:23 - IBAYIBOLO 2024

²³ Akwiza pakubatanizya pachifukwa icha mbibi zyabo, po akwiza pakubanangannya pachifukwa icha bubibi bwabo. U Mwene u Chala witu akwiza pakubazimizya.

Masalimo 94:23 Iomraidhean Croise

2 Abamwene 19:7

Teghelezya! Nkwiza pakubika umuzimu mumwache, umwakuti nanti ivwa bulo ipangwi limo, akwiza pakunyokela kuchisu chache, sona nkwiza pakumughogha nupanga.’ ”

Esitele 7:10

Po bakamupayika u Hamani pikwi lilyo akapanga ukuti amupayikepo u Molodikayi. Pisinda pache ubukali ubwa mwene bukatozoka.

Esitele 9:25

Loli bo u mwene azyaghannya zizyo akalondagha pakubomba, akabika ululaghilo ulusimbe ulwakuti ichintu ichibibi chicho u Hamani akabatika pakubabombela aba Yuda chimuwile yuyo. Po u Hamani na bana bache bakapayikiwa pikwi.

Masalimo 109:20

Ughu gho ghubanje muvwalo uwa Mwene, ku bantu babo bakumususya, zibawilaye abantu babo bakunena akabibi.

Masalimo 12:3

U Mwene ayighalilaye imilomo yosi imichevu sona nu lulimi losi ulwakwitutumula.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 64:8

Akwiza pakubanangannya na mazyu aghabo na ghabo nukubazimizya, bosi babo bakubennya bakwiza pakupukunnya imitu yabo.

Masalimo 7:16

Intamyo zizyo akubapelela abanji, zikumuwila mwene, sona ivyongo vivyo akunyamusya vikuba pamutu wache.

Ivyili 1:31

po bakwiza pakulya ivikomwa ivya mbombo zyabo nukwikuta ni vintu vivyo bakabatika pakuvibomba.

Ivyili 14:32

Umuntu umubibi akunangika pachifukwa icha bubibi bwache, loli umuntu umugholosu akuba na pakuponela napapo angafwa.

Ivyili 2:22

loli u Chala akwiza pakubefyamo ababibi muchisu chilachila, sona abantu babo te basubiliwa bakwiza pakunyunkuliwamo.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Ivyili 5:23

Akufwanga pachifukwa ichakusita amafundwe, sona akwiza pakusobela pachifukwa icha bupunganu bwache.

Yelemiya 36:31

Nkwiza pakumufunda poka nabaluko lwache sona na makambala ghache pachifukwa icha bubibi bwabo. Nkwiza pakubizila nintamyo abantu babo bakwikala mu Yelusalemu na mu Yuda pachifukwa ichakusita kwivwila.’ ”

Ezekiyeli 18:24

“ ‘Loli nanti umuntu umugholosu akuleka pakubomba ubugholosu nukubomba imbibi sona akubomba ivintu ivyamwiko vilavila vivyo umuntu umubibi akubomba, nkimba akwiza pakuba nubumi? Butalipo ubugholosu nabumobumo bubo akabomba bukwiza pakukumbukiliwapo. Pachifukwa icha kusita kusubiliwa sona na pachifukwa icha mbibi zizyo abomba akwiza pakufwa.

Daniyeli 7:24

Impembe teni bo bamwene teni, babo bakufuma mubumwene bunubu. Pisinda pabanaba, u mwene uyunji akwiza pakuboneka, yuyo akwiza pakulekana na bakwanda bala sona nukubapota abamwene batatu bala.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Abalongi 9:57

U Chala akabatanizya abantu aba mu Shekemu pachifukwa icha bubibi bwabo bosi. Po ichighune icha Yotamu umwana uwa Yelubi Baala chikabawila babo.