Masalimo 94:21 - IBAYIBOLO 2024

²¹ Bakubavwima abagholosu, po bakubaghogha abantu babo bate ninongwa.

Masalimo 94:21 Iomraidhean Croise

1 Abamwene 21:19

Umubuzye uti, U Mwene ati, ‘Nkimba utamughoghite umuntu nukumufyula umughunda wache?’ Umubuzye sona ukuti, ‘U Mwene ati: Pabuzilo bubo imbwa zikamyanta ibanda ilya Naboti, po papo zikwiza pakumyanta ni banda lyako bulo!’ ”

2 Imbili 24:21

Loli bakabatika nizya kumughogha u Zekaliya, sona bo u mwene alamula, bakamughogha na mabwe muntanda iya Nyumba iya Mwene

Masalimo 106:38

Bakabaghogha abantu babo bate ninongwa, kokuti ibanda ilya bana babo abalumendo na balindu, Bakiyipa abana banaba pakuba chakwiyipa ku bachala aba mu Kenani, ichisu chila chikanyala ni banda lyabo.

Masalimo 22:16

Abalwani banzyuguliye ngati mbwa, sona akabukatila aka bantu ababibi kanzyunguliye. Bandasa inyobe ni nyayo zyane bulo.

Masalimo 56:6

Bakubungana nukunvwamilila, sona bakwennya vyosi vivyo nkuvibomba ukuti bangoghe.

Masalimo 59:3

Wee Mwene, ennya namumo bamvwamililiye ukuti bangoghe, abantu abakoghofya bakunvwimavwima, Wee Mwene napapo inte ninongwa pamo ukubanangila chimo.

Ukufuma 23:7

Utakamutamantilaye nayumo umuntu, sona utakamughoghaye umuntu yuyo ate ninongwa nu musubiliwa, pakuti ane nkwiza pakumususya umuntu umubibi.

Ivyili 1:11

Nanti bakuti, “Twende tubukaye poka. Zagha tuvwamililaye pakukupula ibanda ilya muntu, zagha tubavwamililaye abasita nongwa,

Ivyili 1:16

Pakuti ivinama vyabo vikuchimbilila kumbibi, sona bengo nkani pakubaghogha abantu.

Ivyili 17:15

Ukudumula umuntu uwa nongwa ukuti ate ninongwa, sona ukudumula yuyo ate ninongwa ukuti ali ninongwa, u Mwene avibengite vyosi vibili vinivi.

Yelemiya 26:15

Loli mumanye ukuti nanti mwangogha, po amwe mwebenecho poka nakaya akakulu nkani, sona napa bantu babo bakwikala mumo mukwiza pakwisendela mwebene inongwa iya kukupula ibanda lilyo lite ninongwa nayimoyimo pakuti nubwanaloli bosi u Mwene antumite kukwinyu ukuti imbasoke.”

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Ezekiyeli 22:6

“ ‘Ennya abamwene aba ba Izilayeli bali pakasi papinyu bakukupula ibanda pakubombezya ubulaghili bwabo.

Daniyeli 6:8

Wee mwene, ululaghilo lunulu lubanje lusimbe, umwakuti lutakanduliwanje, ukuyana ni ndaghilo izya ba Medi, naba Peliziya zizyo zitanganduliwa.”

Matayi 27:1

Pandabindabi nkani abaputi abasongo bosi na balongozi aba Chiyuda bakivwana ukuti bamughoghe u Yesu.

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

Imbombo 7:52

Nkimba kukabako umulaghuzi yumo yuyo abanyenya binyu batakamuvwimapo? Bakaghogha abantumi aba Chala, babo kale bakafumusya izya kwiza ukwa Mubombi wache Umugholosu. Po losi ulu mwamubika munyobe izya balwani nukumughogha.

Yakobo 5:6

Mwabasusya nukubaghogha abantu abasita inongwa, babo batakaba nu lusako ulwakwiyimila bene.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.