Masalimo 94:2 - IBAYIBOLO 2024

² Wee Chala we mulongi uwa bantu bosi, vundumuka bapanje abantu abakwituvya vivyo vibabaghiye.

Masalimo 94:2 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

2 Imbili 20:12

Wee Chala witu, nkimba utakwiza pakubalonga abantu banaba? Pakuti aswe tute na maka naghamoghamo aghakulwila na basilikali abinji banaba babo bakulonda pakulwa naswe ubwite. Tutakumanya ichakubomba, loli tukwennya kukwako.”

Masalimo 31:23

Mumughanaye u Mwene mwebosi mwe bantu bache abazelu. U Mwene akubasungilila akiza abantu abasubiliwa loli abantu abakwituvya akubapa umuvwalo ukuyana ni mbombo zyabo.

Masalimo 50:6

Kumwanya kukulumbilila ubugholosu bwache, pakuti u Chala umwenecho we mulongi.

Masalimo 68:1

U Chala avundumukaye, abalwani bache banyampanaye, sona bosi babo bakubengite bachimbilaye pamaso papako.

Masalimo 7:6

Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 74:22

Wee Chala vundumuka, iyimila inongwa yako, sona ukumbukaye namumo abapunganu bakukobezekezya isiku lyosi.

Masalimo 82:8

Wee Chala, vundumuka, chilongaye ichisu ichapasi, pakuti abantu aba inko zyosi yo mpyana yako.

Yesaya 10:12

Po u Mwene ayimalizya imbombo yache yosi Pighamba ilya Ziyoni na mu Yelusalemu akwiza ukunena ukuti, “Nkwiza pakumufunda u mwene uwamu Asiliya, pachifukwa icha mituvyo nukwikwezya.

Yesaya 2:17

Bosi abakwitutumula bakwiza pakukoziwa isoni, sona bosi abamituvyo bakwiza pakwisiwa pasi. Loli u Mwene weyuyo akwiza pakukweziwa pisiku lilalila.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yesaya 37:29

Pachifukwa ichakuti wankalalila nukunsamula, nkwiza pakubika akasikulo kane mumpuno yako, sona nukwinjizya ichela mumulomo wako, nkwiza pakukunyosezya muzila yiyo ukafumila.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Mika 5:9

Mukwiza pakubapota abalwani binyu, sona bosi babo bakubabenga bakwiza pakunanganika.

2 Aba Kolinti 5:10

Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana namumo akabombezyanga umubili wache pachisu ichapasi pano.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”