Masalimo 94:14 - IBAYIBOLO 2024

¹⁴ Pakuti u Mwene atakubakana nalumolumo abantu bache. Eee atakuchisula nalumolumo ichilingo chache.

Masalimo 94:14 Iomraidhean Croise

Masalimo 34:12

Nkimba ukulonda pakwilagha ubumi, sona ukulonda pakuba nubumi ubutali nu buhobosu?

Masalimo 37:28

Pakuti u Mwene abughanite ubwanaloli, sona atakwiza pakubaleka bene abasubiliwa bache. Bakwiza pakuvighililiwa bwila na bwila, loli abana aba bantu ababibi bakwiza pakuzimila.

Masalimo 74:2

Ubakumbukaye abantu bako babo ukisalila wemwene kale, abantu babo ukabatabula, ukuti babanje bachilingo chako. Ulikumbukaye Ighamba ilya Ziyoni papo ukikalagha.

Masalimo 94:5

Bakubatamya abantu bako, wee Mwene bakubayivya abantu bako abasaliwa.

Yesaya 41:17

“Abapina na bakusobelwa bakulonda amizi, loli amizi naghamo, kusingo kwabo kumiye. Loli ane ne Mwene nkwiza pakubamula, ane ne Chala uwa Izilayeli, ntakwiza pakubaleka.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Aba Levi 26:44

Loli napapo bali muchisu icha balwani babo, ane ntakwiza pakubakana, pamo pakubaleka umwakuti mbanangannye nukulunangannya ulufingo lwane lulo nkafingana nabo. Ane ne Mwene u Chala wabo.

Aba Loma 8:30

Po sona abantu babo u Chala akabapaghula, bope akabitizya, sona babo akabitizya, bakaneniwa pakuba bantu bagholosu pantazi papache, sona akagabana nabo ubuchindamu bwache.

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Ukukumbusya Amalamulo 31:6

Mubanje nu lweke, sona mujimbaye nkani. Mutakabanyilaye pamo ukutetema, pakuti u Mwene u Chala winyu akubuka namwe. Atakwiza pakubitikizya ukuti mupotwe, sona atakwiza pakubaleka mwebene.

Ukukumbusya Amalamulo 31:8

U Mwene umwenecho akwiza pakukulongolela, sona akwiza pakuba nawe. Atakwiza pakwitikizya ukuti upotwe, sona atakwiza pakukuleka wemwene. Po utakanyilaye pamo ukuwa amaka.”

Ukukumbusya Amalamulo 32:9

Pakuti ubuzilo ubwa Mwene bo bantu bache akabasala abanyumba iya Yakobo pakuba mpyana yache.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.