Masalimo 92:9 - IBAYIBOLO 2024

⁹ Naloli abalwani bako bakwiza pakuzimila, po ababomba imbibi bosi bope banyampanaye.

Masalimo 92:9 Iomraidhean Croise

Masalimo 1:4

Zinizi te momumo zibeleye na bantu ababibi, awe! Abantu ababibi bayanite bulo ni lyelelo, lilyo likupupuziwa bulo ni mpepo.

Masalimo 102:13

Ukwiza pakunyamuka nukukapelela ichisa akaya akakulu nkani aka Ziyoni. Pakuti aka ko kabalilo akakulanjizya ichisa, sona akabalilo akenecho kafika.

Masalimo 102:25

Pakwanda ukala ulwalo lwachisu ichapasi, sona kumwanya yo mbombo izya nyobe zyako.

Masalimo 37:20

Loli abantu ababibi bakwiza pakuzimila. Abalwani aba Mwene bakwiza pakuba ngati bwezya ubwa muzi, naloli bakuzyebeluka ngati lyosi.

Masalimo 59:11

Wee Mwene ingulu yitu, loli utakabaghoghaye, lumo abantu bane bangaluvya, Ubanyampannye na maka ghako, sona ubawisizye pasi.

Masalimo 68:30

Uvichemelaye ivinyamana vivyo vikwikala muntete, uludimo ulwankambaku zizyo zili mukasi mu ngwata. Bakanyankilaye abantu babo bakunyonywa ivyakufyula pabwite banyampannye abantu aba inko babo babughanite ubwite.

Masalimo 73:27

Abantu bosi babo bali kubutali nawe bazimilaye. Pakuti ukubazimizya abantu bosi babo te basubiliwa kukwako.

Masalimo 89:10

Ukamutizannya u Ahabu ngati muntu umufwe. Namaka ghako amakulu nkani ukabanyampannya abalwani bako.

Masalimo 97:9

Wee Mwene, we Wakumwanya Nkani pachisu chosi ichapasi, we wamaka ukubachila abachala bosi.

Yesaya 17:13

Napapo inko zikuzuma ngati kupoma ukwa mayigha, bo aghachemela ghakuchimbilila kubutali, ghakuchimbila pantazi pa mpepo ngati lyelelo pighamba, sona ngati lufumbi ulwa kankungu.

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Ukubelengiwa 10:35

Akabalilo kosi kako Ibokosi ilya Lufingo likanyamukagha, u Mozesi akatinji, “Wee Mwene, nyamuka, nukubanyampannya abalwani bako! Abantu bosi babo bakubengite bachimbilaye pamaso papako.”

Matayi 7:23

Po nkwiza pakubabuzya ukuti, ‘Ntabamenye nalumo, epapo, mwe bantu ababibi amwe!’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.