Masalimo 92:6 - IBAYIBOLO 2024

⁶ Umuntu umusita mahala atakumanya, bope abapunganu batakwivwisya.

Masalimo 92:6 Iomraidhean Croise

Masalimo 104:24

Wee Mwene, wabomba ivintu ivyinji nkani. Na mahala ghako ukavipela ivintu vyosi, ichisu ichapasi chizuye ni vipeliwa vyako.

Masalimo 139:14

Nkukupalizya pachifukwa ichakuti ukampela umwakuswighisya. Imbombo zyako zyakuswighisya sona zinizi inzimenye akiza nkani.

Masalimo 14:1

Umupunganu akunena mumoyo wache akuti, “U Chala ataliko.” Abantu bosi banyonganu, imbombo zyabo mbibi. Atalipo nayumoyumo yuyo akubomba inyiza.

Masalimo 32:9

Utakabanje ngati falasi pamo impunda impunganu, yiyo yikulongoziwanga ni chela sona ninkusa kumulomo wache ukuti yikwivwilaye.

Masalimo 49:10

Naloli umuntu wesi angennya ukuti abantu abamahala bope bakufwanga. Bope abapunganu na babo bate na mahala bakufwanga, nukubalekela abantu abanji bulo ubukabi bwabo.

Masalimo 73:22

nkaba ne mupunganu nu musita mahala, nkaba ne chinyamana bulo kukwako.

Masalimo 75:4

Nkubabuzya abantu abakwituvya nkuti, ‘Mutakituvyanje sona,’ bope abantu ababibi nkubabuzya nkuti, ‘Mutakitutumulaye sona.

Masalimo 94:8

Ivwa kuno mwebapunganu amwe sona mwe basita mahala mwee! Nkimba mukwiza pakuba na mahala liyi?

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Ivyili 24:7

Umupunganu atangaghafikila amahala, atakuba ni chakunena palukomano ulwa bulongi.

Ivyili 30:2

Naloliloli, ane ne mupunganu ukubachila abantu bosi, ane ne muntu yuyo atakwivwisya ivintu.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 28:29

Amahala ghosi ghanagha ghakufuma kwa Mwene Uwamaka Ghosi, u Mwene wakuswighisya, ubumanyisi bwache bwakuswighisya, sona amahala ghache ghakufikapo.

Yesaya 55:9

Ngati mumo kumwanya kubeleye kutali, ukuchila ichisu ichapasi, momumo izila zyane zibeleye, zyapamwanya ukuzichila izyinyu, sona inyinong'ono zyane zikuzichila inyinong'ono zyinyu.

Yelemiya 10:14

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Yelemiya 32:19

imbatiko zyako mpalapala nkani sona imbombo zyako zyamaka nkani. Amaso ghako ghakwenelezya. Amaso ghako ghakuzyennya namumo inkalo izya bantu zibeleye. Ukumupa umuntu wesi umuvwalo ukuyana ni nkalo yache ni mbombo zyache.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

1 Aba Kolinti 2:14

Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu.