Masalimo 92:5 - IBAYIBOLO 2024

⁵ Imbombo zyako nkulu nkani, we Mwene Zyope inyinong'ono zyako nyibizu nkani.

Masalimo 92:5 Iomraidhean Croise

Masalimo 104:24

Wee Mwene, wabomba ivintu ivyinji nkani. Na mahala ghako ukavipela ivintu vyosi, ichisu ichapasi chizuye ni vipeliwa vyako.

Masalimo 111:2

Imbombo izya mwene zyakuswighisya, abantu bosi bakuhoboka nazyo nkani pakuzilonda.

Masalimo 139:17

Wee Chala, inyinong'ono zyako mpalapala nkani, umwakuti zitangabelengiwa.

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Masalimo 40:5

Wee Mwene Chala wane, watubombela ivintu ivyinji nkani, Atalipo nayumoyumo umuntu uwakuyana nawe! Watubatikila ivintu ivyinji nkani ivyakuswighisya. Nanti nkavinenagha nukuvivumbula, ngali vyaba vyinji nkani pakuvitambula.

Masalimo 64:6

Bakwinong'ona ivibibi bakuti, “Apa po twabatika akiza nkani!” Naloli inyinong'ono nu moyo uwa muntu vichevu.

Masalimo 66:3

Mumubuzye u Chala mutinji, “Imbombo zyako zyakuswighisya nkani! Amaka ghako makulu nkani umwakuti abalwani bako bakukufughamilila.

Umulumbilili 7:24

Nkimba wewenu yuyo angaghagha amahala, pakuti amahala mibibizu nkani, sona mapalapala pakughaghannya?

Yesaya 28:29

Amahala ghosi ghanagha ghakufuma kwa Mwene Uwamaka Ghosi, u Mwene wakuswighisya, ubumanyisi bwache bwakuswighisya, sona amahala ghache ghakufikapo.

Yelemiya 23:20

Ubukali ubwa Mwene butakwiza pakunyokako awe mupaka bwize bubombe nukuzimalizya zizyo u Mwene inong'onite pakuzibomba. Po pisinda pache mukwiza pakuzimanya akiza.”

1 Aba Kolinti 2:10

Loli u Chala akatuvumbulila ivintu vinivi ukwendela mu Muzimu Umuzelu. Pakuti u Muzimu akwenelezya ivintu vyosi, napapo zingaba inyinong'ono inyibizu izya Chala.

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.