Masalimo 92:10 - IBAYIBOLO 2024

¹⁰ Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Masalimo 92:10 Iomraidhean Croise

Masalimo 101:8

Pandabindabi posi nkwiza pakubapumizya, abantu bosi ababibi muchisu. Nkwiza pakubefyamo ababomba mbibi, ukufuma mukaya akakulu nkani aka Mwene.

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 132:17

“Palapala nkwiza pakubukwezezyapo ubumwene ubwa Devedi, sona namuyanizyizya inyale umupakiwa wane.

Masalimo 148:14

Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.

Masalimo 18:15

Amakombe agha nyanja ghakaba pabuzelu. Ulwalo ulwa chisu ichapasi lukabonekela pabuzelu. Bo u Mwene akubachemela abalwani bache, sona bo akulufutila nu muyi uwa mumpuno zyako.

Masalimo 23:5

Ukunjanizizya ivyakulya bo abalwani bakwennya. Wampokela ngati ne muyeni pakumpakazya na mafuta, sona ulubako lwane lukufuluka.

Masalimo 45:7

Ubughanite ubugholosu sona ububengite ububibi. Polelo u Chala wako akupakazya na mafuta agha buhobosu ukubachila abamanyani bako.

Masalimo 75:10

Nkwiza pakuzidumula impembe izya bantu bosi ababibi, loli nkwiza pakuzikwezya impembe izya bantu abagholosu.

Masalimo 89:17

Pakuti awe we buchindamu bwabo sona we maka ghabo, po ichisa chako chipaliwanje.

Masalimo 89:24

Ubusubiliwa bwane nu lughano lwane vibanje nawe. Ukwendela Mwitabwa lyane amaka ghane ghakwiza pakukweziwa.

Ukubelengiwa 23:22

U Chala akabefyamo mu Ijiputi, amaka ghache ghayanite nagha mpogho.

Ukubelengiwa 24:8

U Chala akabefyamo mu Ijiputi. Abene bali na maka ngati mpogho. Bakwiza pakubamila bulo abalwani babo bakwiza pakumenyannya amafupa ghabo nukughalasa nu tulasilo twabo.

Luka 1:69

Atupa Umupoki uwamaka, uwaluko uwa mubombi wache u Devedi.

2 Aba Kolinti 1:21

U Chala umwenecho weyuyo akutwikazya poka namwe mwa Kilisitu. Akatupakazya,

1 Yohani 2:20

Loli amwe mukapakaziwa nu Muzimu Umuzelu, polelo mwebosi mubumenye ubwanaloli.

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.

1 Samuweli 2:1

U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!

1 Samuweli 2:10

Abantu babo bakususannya nu Mwene, bakwiza pakuzimila, sona akwiza pakubapayila ukufuma kumwanya. U Mwene akwiza pakubalonga mupaka kubumalilo ubwa chisu ichapasi. “Akwiza pakumupa amaka u mwene wache, nukughakwezya amaka agha lupembe ulwa mupakiwa wache.”