Masalimo 91:8 - IBAYIBOLO 2024

⁸ Ukwiza pakuchennya bulo na maso ghako, nukulwennya ulufundo ulwa bantu ababibi.

Masalimo 91:8 Iomraidhean Croise

Masalimo 37:34

Umusubilaye u Mwene, nukuzikonka izila zyache, po akwiza pakukukwezya umwakuti ukwiza pakuchipyana ichisu. Bo abantu ababibi bazimila, ukwiza pakubennya.

Masalimo 92:11

Amaso ghane ghennya ukupotwa ukwa balwani bane, nivwa nukwivwa na makutu ghane ukulila ukwa balwani bane.

Ukufuma 14:13

U Mozesi akabamula abantu bala akati, “Mutakanyilaye! Mwimaye bulo, ukuti ilelo mubwennye ubupoki ubwa Mwene. Aba Ijiputi babo mukubennya mutakwiza pakubennya sona.

Ukufuma 14:30

Isiku linilyo u Mwene akabapoka aba Izilayeli munyobe izya ba Ijiputi. Aba Izilayeli bakabennya aba Ijiputi balambalaye mulubazu ulwa nyanja, bo bafuye.

Yesaya 3:11

Chighune ku bantu ababomba imbibi, ukunangika kukwiza pakubawila, pakuti chicho inyobe zyabo zikubomba, cho chicho chikwiza pakubawila.

Malaki 1:5

Na maso aghinyu na ghinyu mukwiza pakuvyennya vinivi, po mukwiza pakunena ukuti, ‘Ubukulu ubwa Mwene bwafika ukuzichila impaka izya chisu icha Izilayeli.’ ”

Aba Hebeli 2:2

Amazyu ghagho u Chala akanena ukwendela mubantumi aba kumwanya ghakaba ghanaloli nkani, umwakuti abantu bosi babo batakaghivwila pamo ukughasula bakafundiwa ukuyana namumo chikababaghilila.