Masalimo 91:4 - IBAYIBOLO 2024

⁴ Akwiza pakukuvwinka na meya ghache, muvipapande vyache ukwiza pakuponelamo, ukusubiliwa kwache yo ngulu yitu ni chakuponelamo.

Masalimo 91:4 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Masalimo 138:2

Nkwiza pakufughamila kunyumba yako izelu, sona nkwiza pakulipala itabwa lyako pachifukwa icha lughano nu busubiliwa bwako, pakuti walanjizya ukuti itabwa lyako na mazyu ghako, vili pamwanya ukuchila ivintu vyosi.

Masalimo 17:8

Unsungililaye ngati po ne mboni iya lyiso, unfisaye kusi kuvipapande vyako.

Masalimo 35:2

Senda ingulu ni vilwilo vyako ivya bwite, sona vundumuka wizaghe pakunyavwa.

Masalimo 57:1

Wee Chala, umpelele ichisa, sona banga ni chisa nane, pakuti nkuchimbilila kukwako. Nkwiza pakuponela kusi kuvipapande vyako, mupaka ukankungu uwakunangannya adumusannye.

Masalimo 61:4

Nkusamba nkani pakwikala mu Nyumba yako bwila na bwila, sona nukuti invwamaye kusi kuvipapande vyako.

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Maliko 13:31

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Ukukumbusya Amalamulo 32:11

Ngati lizwanga lilyo likumanyisya abana bache ukubuluka, lilyo likubuluka pamwanya pa bana bache nukukuzula ivipapande vyache, ukuti libaleme abana bala, nukubanyamula abana bala pavipapande vyache.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

Luti 2:12

U Mwene u Chala uwa ba Izilayeli, yuyo ukuponelamo muvipapande vyache, akupe umuvwalo umukulu nkani, pachifukwa icha vyiza vyosi vivyo wabomba.”