Masalimo 91:13 - IBAYIBOLO 2024

¹³ Ukwiza pakuzikanya inkalamu ni njoka izyakoghofya, momumo ukwiza pakubakanya abana aba nkalamu nu chipili.

Masalimo 91:13 Iomraidhean Croise

Yobu 5:23

Mumaghunda ghako mutakwiza pakubamo amabwe, sona ukwiza pakuba mumutende ni vinyamana ivya munkolongo.

Masalimo 58:4

Bali ni nsalile ngati nsalile izya njoka, sona ngati we chipili uwa mapuli,

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Maliko 16:18

Nanti balema injoka pamo bang'wela chimo chicho chikughogha, bate bakavulale. Bakwiza pakubika inyobe zyabo pa babine, po bakwiza pakupola.”

Luka 10:19

Teghelezya, nabapa ubulaghili ubwakuti mungakanya injoka na bankonya nukupota amaka agha mulwani yula, po nachimochimo chicho chikwiza pakubavulazya.

Aba Loma 16:20

Po u Chala umwenecho uwa mutende akwiza pakumusya u Satana ni nyayo zyinyu. Ichisa icha Mwene witu u Yesu Kilisitu chibanje namwe.

Aba Loma 3:13

Amamilo ghabo ghasamite ngati gho mapumpa, indimi zyabo zyizuye nu buzimbuli. Amazyu aghakoghofya ghagho ghakufuma mumalomo ghabo ghayanite bulo nubwanga ubwa bachipili.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”