Masalimo 91:1 - IBAYIBOLO 2024

¹ Umuntu wesi yuyo akwikala mubuzilo ubwakuvwamo Uwakumwanya Nkani, akwikala muchizyezye icha Uwamaka Ghosi,

Masalimo 91:1 Iomraidhean Croise

Masalimo 121:5

U Mwene we musungilili wako, u Mwene we kazundila kako kunyobe yako indilo.

Masalimo 17:8

Unsungililaye ngati po ne mboni iya lyiso, unfisaye kusi kuvipapande vyako.

Masalimo 25:13

Umuntu yulayula ivintu vyache vikwiza pakumwendelagha akiza, sona abaluko lwache bakwiza pakupyana ichisu.

Masalimo 27:5

Pakuti pakabalilo akantamyo, akwiza pakunsungilila akiza mu Nyumba yache. Akwiza pakunfisa mukasi muchisakasa chache nukumbika pamwanya pilyalabwe itali.

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Masalimo 32:7

Awe we buzilo bwane ubwakuvwamamo. Ukwiza pakumpoka muntamyo, sona nukunzyungulila ninyimbo izyakubupala ubupoki bwako.

Masalimo 36:7

Ulughano lwako lwapamwanya nkani, sona abantu bako bakuvwamila kusi ku vipapande vyako.

Masalimo 52:8

Loli ane indi ngati likwi ilya musyunguti ibisi mu Nyumba iya Chala, po indusubiye ulughano ulwa Chala lulo lutakupotwapo nalumolumo bwila na bwila.

Masalimo 57:1

Wee Chala, umpelele ichisa, sona banga ni chisa nane, pakuti nkuchimbilila kukwako. Nkwiza pakuponela kusi kuvipapande vyako, mupaka ukankungu uwakunangannya adumusannye.

Masalimo 90:1

Wee Mwene, awe we kwikalamo kwitu pa nkulilo zyitu zyosi.

Inyimbo izya Solomoni 2:3

Ngati mumo libeleye ikwi ilya manyele mumusitu, momumo abeleye umughaniwa wane pakasi pa balumendo. Nkuhoboka nkani pakwikala mukazundila kache, sona ivikomwa vyache vyope vikunona nkani mumulomo wane.

Yesaya 25:4

Wee Mwene waba we chakuponelamo abantu abapina, nabapotwe pakabalilo akantamyo, we kubapoka kumpepo iya maka, sona we kazundila kabo. Pakuti umuyi uwa muntu umukali, ghuli ngati mpepo yiyo yikukoma pachibumba

Yesaya 32:2

Umuntu wesi akwiza pakuba ngati buzilo ubwa kuvwamamo kumpepo, nu buzilo ubwa kuponelamo kuvula, ngati tusoko utwa mizi munkolongo, numuzyezye uwa ilyalabwe ikulu nkani muchisu ichumizu.

Yesaya 8:14

sona akwiza pakuba buzilo ubuzelu, loli ku banyumba iya Yuda nu Izilayeli bakwiza pakwikala ngati libwe mu Ziyoni, lilyo likwiza pakubapela abantu ukwipunula, ilyalabwe lilyo likwiza pakubawisya abantu, akwiza pakuba chipingo ku bantu babo bakwikala mu Yelusalemu.

Nkuto 4:20

Bakamughogha ni chipingo umupakiwa uwa Mwene, yuyo muyi witu uwenecho uwa bumi bwitu. Po tukinong'onagha ukuti aswe twe tukwikala pakasi inko izinji, tukwiza pakwavwiliziwa.

Ezekiyeli 11:16

“Polelo ubabuzye ukuti u Mwene Uwamaka Ghosi akuti, ‘Nene nkabatuma pakwikala ku inko izya kubutali nukubanyampanikizya kuvyisu ivinji ivya kubutali. Loli pakabalilo aka nkwiza pakuba ne buzilo ubuzelu muvyisu mumo babukite.’

Abalongi 9:15

“Ikwi ilya mivwa lila likamula likati, ‘Nanti naloli mukulonda pakunsala pakuba ne mwene winyu, zagha muponele mukazundila kane. Loli nanti mutakulonda, po umoto ghufume mumivwa nukughalungulizya amakwi ghosi agha mwale agha mu Lebanoni.’ ”