Masalimo 90:17 - IBAYIBOLO 2024

¹⁷ Wee Mwene u Chala witu, u bwiza bwako bubanje papitu. Uzisaye imbombo izya nyobe zyitu, eee uzisaye imbombo izya nyobe zyitu.

Masalimo 90:17 Iomraidhean Croise

Yobu 22:28

Chicho wadumula, chikwiza pakubombiwa, sona ulukozyo lukwiza pakukulamila muzila zyako.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 118:25

Wee Mwene, tupoke. Wee Mwene tukukulaba ukuti ivintu vitwendelaye akiza.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 50:2

U Chala akulama bo ikaye mu Ziyoni, akaya akakuboneka akiza nkani.

Masalimo 68:28

Wee Chala, lanjizya amaka ghako, bika pabuzelu amaka ghako, ngati mumo ukabombela pakwanda.

Masalimo 80:3

Wee Chala, tunyosekezye mumo tukabela kale, icheni chako chitulamilaye, po tukwiza pakupokiwa.

Masalimo 80:7

Wee Chala Uwamaka Ghosi utunyosekezye kukwako, icheni chako chitulamilaye, po tukwiza pakupokiwa.

Ivyili 16:3

Bika imbombo zyako munyobe izya Mwene, po imbatiko zyako zikwiza pakukwanilisiwanga.

Yesaya 26:12

Wee Mwene, awe ukutupa umutende, wewe ukutubombela imbombo zyitu, zyosi zizyo tukubomba.

1 Aba Kolinti 3:7

Polelo yuyo akabyala, sona na yuyo akasembelela amizi ate ni mbombo, loli u Chala mwene, yuyo akumezya, weyuyo ali ni mbombo.

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

1 Yohani 3:2

Mwee bamanyani bane abaghaniwa, ilelo aswe twe bana aba Chala, loli chichili chitavumbuliwe namumo tukwiza pakubela. Loli bo akwiza, tuzimenye ukuti tukwiza pakuyana nawe, pakuti tukwiza pakumwennya mumo abeleye.