Masalimo 90:16 - IBAYIBOLO 2024

¹⁶ Imbombo zyako zibonekaye pa mubombi wako, bope ubuchindamu bwako bubonekaye pa bana babo.

Masalimo 90:16 Iomraidhean Croise

Masalimo 44:1

Wee Chala, na makutu ghitu tukivwa, sona abanyenya bitu batubuzizye, vivyo ukabomba pakabalilo kabo.

Masalimo 77:12

Izyinong'onaye imbombo zyako zyosi zizyo wabomba. Izyinong'onaye sona ni mbombo zyako izyamaka zizyo wabomba.

Masalimo 92:4

Wee Mwene Pachifukwa ichakuti ukuhobosya ni mbombo zyako, pachifukwa icha mbombo izya nyobe zyako nimbaye nukusekela.

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.

Ukukumbusya Amalamulo 1:39

Po u Mwene akatubuzya twebosi akati, Abana binyu babo bachili banandi nkani, babo bangalesannya ichiza pamo ichibibi, sona babo mukatinji bakwiza pakulemiwa kubwite, bo babo bakwiza pakwinjilamo muchisu chila, sona bakwiza pakuchifyula nukwikalamo.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Yoshwa 23:14

“Losi ulu ane akabalilo kane akakufwila kakwana. Amwe mwebosi muzimenye akiza nkani mumoyo na mumuzimu winyu ukuti u Mwene u Chala winyu abapiye ivintu vyosi ivyiza vivyo akabalayizya, sona akwanilisya ivintu vyosi vivyo akabalayizya. Chitalipo nachimochimo chicho akapotwa pakuchikwanilisya.