Masalimo 90:11 - IBAYIBOLO 2024

¹¹ Nkimba wewenu yuyo abumenye ubukalale ubwa maka ghako? Nkimba wewenu akumenye ukunyila ukwa bukali bwako?

Masalimo 90:11 Iomraidhean Croise

Masalimo 76:7

Awe wemwene we wakoghofya. Nkimba wewenu angimilila pamaso papako, nanti ukalaye?

Yesaya 33:14

Ababomba mbibi mukaya akakulu nkani aka Ziyoni bakutetema, ubogha bwabalema babo batakumuchindika u Chala, “Nkimba wewenu uwa aswe angikala mumoto uwakulungulizya? Fwandi wewenu uwa aswe angikala mumoto uwakwaka bwila na bwila?”

Aba Levi 26:18

Loli pope bulo nanti mutakunyivwila, nkwiza pakubafunda umwakonjelezyapo akaseveni pachifukwa icha mbibi zyinyu.

Aba Levi 26:21

“Nanti mukwendelela pakunsambukila, nukukana pakunyivwila, nkwiza pakubatumila iviwaya umwakonjelezyapo akaseveni ukuchila pambibi zyinyu.

Aba Levi 26:24

nane bulo nkwiza pakubasula, sona nkwiza pakubafunda umwakonjelezyapo akaseveni ukuchila pakwanda pachifukwa icha mbibi zyinyu.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Luka 12:5

Leka imbalanjizye yuyo mubaghiye pakumunyila. Mumunyilaye u Chala, yuyo nanti amufyula umuntu ubumi, ali nu bulaghili ubwakumusumbila mu Gehena. Naloli weyuyo mubaghiye pakumunyila!

2 Aba Kolinti 5:11

Aswe tumenye pakumunyila u Mwene, tukuyezya pakubadeba abanji. U Chala atumenye mumo tubeleye, sona nkusubila ukuti namwe bulo mumoyo ghinyu mutumenye aswe.

Ukukumbusya Amalamulo 28:59

po u Mwene akwiza pakubawisizya amwe na baluko lwinyu, iviwaya ivipalapala, nintamyo zizyo zitakumala, sona nu bubine bubo bute namalembo naghamoghamo.

Ubuvumbuli 6:17

Pakuti isiku ilyakoghofya ilyakufundiwa kwabo lyafika, po nkimba wewenu angajimba?”