Masalimo 90:10 - IBAYIBOLO 2024

¹⁰ Ubwinji ubwa masiku ghitu ghali 70 pamo 80 nanti tuli na maka, loli ubumi ubwa muntu buli nintamyo zyene sona ni chitima, vikumala lubilolubilo nkani, po twebosi tukubuka.

Masalimo 90:10 Iomraidhean Croise

Ubwandilo 47:9

Po u Yakobo akamwamula u Falabo akati, “Indi na maka 130, sona nendanendagha bulo. Amaka ghane manandi bulo, sona mapalapala, ghatayanite na maka agha banyenya bane babo bakikalagha nubumi ubutali nkani.”

Ubwandilo 6:3

Po u Mwene akati, “Ntakwiza pakubitikizya abantu pakwikala nubumi bwila na bwila, pakuti abantu gho mubili ghugho ghukufwa. Ukwanda ilelo abantu bakwiza pakuba na maka 120.”

2 Samuweli 19:35

Ane indi na maka 80. Nkimba ningalesannya pakasi pa chintu ichiza ni chibibi? Nkimba ningivwa ukunona ukwa chakulya ni chakung'wela? Nkimba ningivwa ukwimba ukwa banavuli na bakolo? Nkimba choni chicho ane ne wambombo wako nkutamyanje awe we mwene wane?

2 Samuweli 19:36

Ane ne wambombo wako nkwiza pakuloboka ulusoko ulwa Yolodani poka nawe nukukusindikila panandi bulo. Po nkimba choni chicho awe we mwene wane umpe umuvwalo bunubu?

1 Abamwene 1:1

U mwene u Devedi akaghosipa nkani, napapo abambombo bache bakamuvwinkagha amabulanketi, pope bulo atakivwa ubutukizu.

Yobu 14:10

Loli umuntu akufwa nukusyiliwa mwipumpa; akufuta akabumalilo, po atakubako sona.

Yobu 20:8

Akuzyebeluka bulo ngati chilota, po atakwaghiwa sona, akwiza pakuzimila bulo ngati chisetuka pabusiku.

Yobu 24:24

Bakukweziwa pakabalilo akanandi bulo, po bakuzimila. Bakwisiwa pasi nukubunganikiwa ngati bantu abanji bosi, sona bakudumuliwa ngati mitu iya malezi.

Yobu 5:7

Loli umuntu apapiliwe muntamyo, ngati mumo tukupantila utumpesese utwa moto.

Masalimo 78:39

Akakumbuka ukuti abene bantu bulo, babo bali ngati mpepo yiyo yitakunyokela sona.

Yesaya 38:12

Ubumi bwane bwefiweko kukwane, ngati chisakasa icha mudimi ni mpepo iyakukuka, bwadumuliwa ngati mumo uwakuluka akudumulila amenda ghane, yipankuliwe nukufyuliwako kukwane. Umwalubilolubilo ubumi bwane bukamala.

Aba Levi 27:7

Nanti mwanavuli uwakuchila amaka 60, umutengo wache ghubanje isalabazya izya siliva 15, loli nanti mukolo uwakuchila amaka 60, umutengo wache ghubanje isalabazya izya siliva teni.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Ukukumbusya Amalamulo 34:7

U Mozesi akafwa bo ali na maka 120, loli pope bulo akaba na maka, sona amaso ghache ghakaba ghachili ghakwennya akiza bulo.

Yakobo 4:14

Loli mutakuzimanya nukuzimanya ukuti ubumi bwinyu indabi bukwiza pakuba bulibuli! Muyanite bulo nu kabefu, yuyo akuboneka pakabalilo akapimpa bulo nukuzyebeluka.

Yoshwa 14:11

Loli pope bulo inchili indi na maka ukuyana namumo nkabela lula, bo u Mozesi akuntuma. Inchili indi na maka umwakuti ningalwa ubwite ilelo ngati kale.