Masalimo 9:20 - IBAYIBOLO 2024

²⁰ Wee Mwene ubapelelaye ubogha, sona inko izinji zimanye ukuti bantu bulo.

Masalimo 9:20 Iomraidhean Croise

2 Imbili 14:10

U Asa akabuka pakulwa nawe ubwite, po bakabamba mwikombe ilya Zefata kupipi nakaya aka Malesha.

Masalimo 3:8

Ubupoki bukufuma kwa Mwene, sona ulusayo lwako lubanje pabantu bako.

Masalimo 62:9

Abantu bosi bali ngati muyi bulo, abapasi na bapamwanya bosi bayanite bulo. Nanti bapimiwa ni chipimilo batakung'wama, pakuti bosi banaba bayanite bulo nu muyi.

Masalimo 76:12

Weyuyo akughamazya amaka agha balaghili, sona abamwene aba muchisu bakumunyila.

Ukufuma 15:16

Ulutente nubogha ubukulu nkani vyabawila. Pachifukwa icha maka ghako amakulu, abene bali myee ngati libwe mupaka abantu babo ukabatabula badumusannyepo.

Ukufuma 23:27

“Nkwiza pakubapelela ubogha abantu babo bakubasusya ukuti banganyila. Nkwiza pakubavulungannya abantu babo bakulwa namwe umwakuti bakwiza pakubachimbila.

Yesaya 31:3

Loli aba Ijiputi bantu bulo teba Chala awe, ifalasi zyabo nyama bulo te muzimu awe. Nanti u Mwene agholosya inyobe yache, yuyo akavwa akwiza pakwipunula, yuyo avwiliziwa akwiza pakuwa pasi, bosi bakwiza pakuzimila poka.

Yelemiya 32:40

Nkwiza pakufingana nabo ulufingo ulwa bwila na bwila, ntakwiza pakuleka pakubabombela inyiza. Nkwiza pakubapa u moyo uwakunnyila umwakuti batakansambukile sona.

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Ezekiyeli 28:9

Nkimba ukwiza pakunena pamaso pababo bakukughogha ukuti, “Ane ne chala?” Awe we muntu bulo, tewe chala, bo uli munyobe izya babo bakukughogha.

Ezekiyeli 30:13

“ ‘U Mwene Uwamaka Ghosi akuti: Nkwiza pakuvinangannya ivifwani, nukumazya abachala abavifwani aba mu Memfisi. Mutakwiza pakubamo sona u mwene muchisu icha Ijiputi, sona nkwiza pakubikamo ubogha muchisu chosi.

Ukukumbusya Amalamulo 2:25

Ukwanda ilelo mupaka muntazi, nkwiza pakubapelela ubogha umwakuti abantu aba inko zyosi izya muchisu ichapasi babanyilaye. Nanti umuntu wesi ivwa bulo nizya mbili yinyu, akwiza pakutetema nubogha.”