Masalimo 9:19 - IBAYIBOLO 2024

¹⁹ Wee Mwene vundumuka, sona umuntu atakapotaye. Uzilongaye inko pamaso papako.

Masalimo 9:19 Iomraidhean Croise

Ubwandilo 32:28

Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Masalimo 10:12

Wee Mwene, vundumuka, lanjizya amaka ghako, wee Chala. Utakabaluvyanje abapotwe.

Masalimo 149:7

ukuti abatanizye abantu aba inko izinji, nukubafunda abantu abanji bosi,

Masalimo 3:7

Wee Mwene vundumuka, wee Chala wane mpoka! Ubakomaye kunjegho abalwani bane bosi, sona ubakulaye amino abantu ababibi.

Masalimo 44:23

Wee Mwene, lamusya, sona nkimba choni chicho ukughona utulo? Nyamuka, sona utakatuleke twebene bwila na bwila.

Masalimo 44:26

Nyamuka nukutwavwa, sona ututabule pachifukwa icha lughano lwako lulo lutakupotwa nalumolumo.

Masalimo 7:6

Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 79:6

Ubapungulilaye ubukali bwako abantu aba inko izinji babo batakumenye. Ubupungulilaye ubukali bwako ubumwene bubo butakulichindika itabwa lyako.

Masalimo 80:2

abaluko ulwa Efulayimu nulwa Benjamini sona nulwa Manase lanjizya amaka ghako, po wizaye pakutupoka.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yoweli 3:12

U Mwene akuti, “Abantu aba inko zyosi biyannye, nukwiza kwikombe ilya Yehoshafati, pakuti kulakula nkwiza pakuzilonga inko izyakufuma kunkuto zyosi.

Mika 5:15

Mubukalale sona na mubukali bwane, nkwiza pakuzitanizya inko zyosi zizyo zitakanyivwila.”

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Zekaliya 14:18

Nanti abantu aba muchisu icha Ijiputi batakubukako nukubapo, batakwiza pakuba ni vula. U Mwene akwiza pakuziwisizya inko ichiwaya chicho akaziyivya inko zizyo zikukana pakubukako nukuba nu Lusekelo ulwa Visakasa.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

1 Samuweli 2:9

Akwiza pakuzizighilila inyayo izya bantu bache abasubiliwa. Loli abantu ababibi bakwiza pakuba bulo myee muchisi. “Umuntu atangapota na maka aghache na ghache.