Masalimo 9:14 - IBAYIBOLO 2024

¹⁴ Po nkwiza pakukupala pamilyango iya Ziyoni, sona palapala nkwiza pakusekela pachifukwa icha bupoki bwako.

Masalimo 9:14 Iomraidhean Croise

Masalimo 106:2

Nkimba wewenu yuyo angalingannya imbombo izyamaka izya Mwene? Nkimba wewenu angamupalizya umwakufikapo?

Masalimo 13:5

Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

Masalimo 20:5

Tukwiza pakusekelagha pachifukwa icha bupoti bwako, sona tukwiza pakukwezya indembela zyitu mwitabwa ilya Chala witu. U Mwene akupanje ivintu vyosi vivyo walaba.

Masalimo 21:1

Wee Mwene, u mwene akusekela pachifukwa icha maka ghako, akuhoboka nkani pachifukwa icha ubupoti bubo ukumupanga.

Masalimo 22:22

Nkwiza pakufumusya itabwa lyako pakasi pa bakamu bane, sona nkwiza pakulipalagha itabwa lyako palukomano.

Masalimo 22:25

Nkwiza pakukupalagha palukomano ulukulu nkani, sona nkwiza pakukwanilisya ichilapo chane pamaso pabantu babo bakukuchindika.

Masalimo 35:18

Nkwiza pakukupalizya pa lukomano ulukulu nkani, sona nkwiza pakukupalagha pamaso pabantu bosi.

Masalimo 35:9

Po umoyo wane ghukwiza pakuhoboka mwa Mwene sona ghukwiza pakusekela pachifukwa icha bupoki bwache.

Masalimo 42:4

Umoyo wane ghukumbaba nanti navikumbuka ivintu ivyakale, bo nkuvikumbuka vinivi, nkuchilongozezya ichilundilo ku Nyumba iya Chala. Nkabalongozya bo bakwenda mumusebo, sona bo bakukolomoka umwalusekelo pakwimba inyimbo izyakupalizikizya u Chala.

Masalimo 51:12

Unyosekezye sona ubuhobosu ubwa bupoki bwako, sona umpanje umoyo uwakwivwila.

Masalimo 51:15

Wee Mwene ighula imilomo yane, po nkwiza pakukwimbila inyimbo izyakukupalizikizya.

Masalimo 6:3

Umuzimu wane ghukuyimba nkani. Wee Mwene nkimba zinizi zikwiza pakubombiwanga mupaka liyi?

Masalimo 75:9

Loli ane nkwiza pakuzifumusya zinizi bwila na bwila, nkwiza pakumwimbilagha amapalo u Chala uwa Yakobo.

Masalimo 79:13

Po aswe twe bantu bako, twe mudimo uwa pakulyezyezyapo ivitekwa, tukwiza pakukupala bwila na bwila, sona tukwiza pakukupalagha mupaka inkulilo zyosi izya muntazi.

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Ukufuma 3:9

Naloli nivwa inkuta iya ba Izilayeli, sona nkughennya amayimba ghagho aba Ijiputi bakubayivya nagho.

Yesaya 12:3

Nulusekelo mukwiza pakusembamo amizi muchiziba icha bupoki.

Yesaya 37:22

agha gho mazyu ghagho u Mwene akamubuzya umwakususannya nawe akati, Abantu aba mu Ziyoni, bakukusamula nukukobezya. Abantu aba mu Yelusalemu bakupukunnya imutu yabo bo ukuchimbila.

Yesaya 62:11

U Mwene azifumusya mupaka kubumalilo ubwa chisu, “Babuzye abantu aba mu Yelusalemu, ukuti u Mwene akwiza pakubapoka, poka na bantu babo abapokite.”

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Habakuku 3:18

Loli nkwiza pakusekela mwa Mwene, nkwiza pakuhoboka mwa Chala Umupoki wane.

Luka 1:47

umuzimu wane ghuhobokite, pachifukwa icha Chala Umupoki wane.

1 Samuweli 2:1

U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!