Masalimo 9:12 - IBAYIBOLO 2024

¹² Yuyo akutanizya abaghoghi akubakumbukagha abafwe, sona atakuluvyanga ukulila ukwa babo bali mumayimba.

Masalimo 9:12 Iomraidhean Croise

Ubwandilo 9:5

Nanti umuntu akumughogha umuntu uwamwabo, wepe akwiza pakufundiwa. Nanti ichinyamana chikumughogha umuntu, chope chikwiza pakughoghiwa. Umuntu wesi yuyo akumughogha umuntu uwamwabo, wepe aghoghiwanje.

2 Abamwene 24:4

Ukonjelezyapo ukubaghogha abantu abasita nongwa. Pakuti u Manase akizuzya akaya akakulu nkani aka Yelusalemu ni banda ilya bantu babo bate ninongwa nayimoyimo, po u Mwene atakalondagha pakumuhobokela u Manase.

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 10:17

Wee Mwene ukwivwa ukulaba ukwa bantu abakwiyisya, ughakazyanje amoyo ghabo nukwivwa inyiputo zyabo.

Masalimo 102:17

Akwiza pakwamula inyiputo izya bapotwe, sona atakwiza pakukusulannya ukulaba kwabo.

Masalimo 132:13

Pakuti u Mwene amusala u Ziyoni, sona akulonda ukuti ikalaye mulamula.

Masalimo 22:24

Pakuti atamusulitepo pamo ukumukana umuntu yuyo akuyimba pachifukwa icha ntamyo. Atamufisitepo icheni chache, loli ateghelezya bo akulila ukuti amwavwe.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 68:17

U Chala ali ni ngolo izya bwite inyinji nkani, sona u Mwene ika pighamba ilya Sinayi po iza kubuzilo bwache ubuzelu.

Masalimo 74:2

Ubakumbukaye abantu bako babo ukisalila wemwene kale, abantu babo ukabatabula, ukuti babanje bachilingo chako. Ulikumbukaye Ighamba ilya Ziyoni papo ukikalagha.

Masalimo 76:3

Kulakula akatupyolannya utulasilo utwakaka umoto, ni ngulu sona na bapanga abakulwila ubwite.

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Ukufuma 3:9

Naloli nivwa inkuta iya ba Izilayeli, sona nkughennya amayimba ghagho aba Ijiputi bakubayivya nagho.

Yesaya 26:21

Ennya, u Mwene akufuma mubuzilo bwache ubwakwikalamo, pakubafunda abantu aba pachisu ichapasi pa pachifukwa icha mbibi zyabo. Po ichisu chikwiza pakuvumbula ibanda lilyo lyakupukilapo papache, ichisu ichapasi chikwiza pakubavumbula abantu babo bakaghoghiwa.

Yesaya 8:18

Ane indipano, poka nabana babo u Mwene ampiye. Twe vimanyilo ni vyakuswighisya muchisu icha Izilayeli ukufuma kwa Mwene Uwamaka Ghosi, yuyo akwikala Pighamba ilya Ziyoni.

Matayi 23:35

Pachifukwa icha kughogha abantu abiza bosi, ulufundo lukwiza pakuba papinyu, ukwandila pakughoghiwa ukwa Abeli mupaka pakughoghiwa ukwa Zekaliya umwana uwa Belakayi, yuyo mukamughogha pakasi pa Nyumba iya Chala ni chighemo.

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.