Masalimo 89:8 - IBAYIBOLO 2024

⁸ Wee Mwene u Chala Uwamaka Ghosi, nkimba wewenu yuyo ayanite nawe? Wee Mwene awe we wamaka, ubusubiliwa bwako bope bukuzyunguliye.

Masalimo 89:8 Iomraidhean Croise

Nehemiya 1:5

Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Yobu 37:22

Kumitu kukufuma ugolide umwiza nkani, u Chala ivwalikite ubuchindamu ubwakoghofya

Yobu 9:19

Nkimba ane ningiminkana nu Chala, namumo abeleye na maka? Nkimba ningadalinkana nu Chala, bo indi pamaso pa balongi. Nkimba wewenu yuyo angamusitaka?

Masalimo 147:5

U Mwene witu mukulu sona wamaka, amahala ghache ghate ni mpaka.

Masalimo 24:8

Nkimba u mwene uwa buchindamu wewenu? We Mwene uwamaka sona nu wamaka ghosi. We Mwene Uwamaka pakulwa ubwite.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Masalimo 84:12

Wee Mwene Uwamaka Ghosi, basayiwa abantu babo bakukusubila.

Masalimo 89:13

Inyobe yako yamaka, amaka ghako makulu sona ghapamwanya.

Masalimo 89:6

Nkimba wewenu mumwanya angayana nu Mwene? Nkimba wantumi wenu uwakumwanya yuyo ayanite nu Mwene?

Yesaya 28:22

Leka ukobezya kwinyu, pamo iminyololo yinyu yikwiza pakubafyenya u Mwene u Mwene Uwamaka Ghosi ambuzya nizya ukunanganika ukwa chisu chosi ichapasi.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Ukukumbusya Amalamulo 32:31

Abalwani babo bazimenye ukuti ilyalabwe lyabo litayanite ni Lyalabwe lyitu.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Yoshwa 22:22

“Uwamaka Ghosi we Chala! We Mwene! Uwamaka Ghosi we Chala! We Mwene! Achimenye ichifukwa chicho tukabombela bunubu, sona namwe bulo muchimanye! Nanti tukamusambukila u Mwene pachifukwa ichakusita kumwivwila, mutakatwitikizye ukuti tubanje nubumi.

1 Samuweli 15:19

Nkimba choni chicho utakamwivwila u Mwene? Nkimba choni chicho ukachimbilila pa vyakufyula nukubomba vivyo vitakumuhobosya u Mwene?”

1 Samuweli 2:2

“Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.