Masalimo 89:4 - IBAYIBOLO 2024

⁴ ‘Nkwiza pakulwikazya uluko lwako pakuba lwa bwila na bwila, sona nkwiza pakuchipela ichitengo chako cha bumwene, pakuba icha maka mupaka kunkulilo zyosi.’ ”

Masalimo 89:4 Iomraidhean Croise

2 Samuweli 7:29

Po ilelo nkukulaba ukuti uyisaye inyumba yane ne mubombi wako, ukuti yibanje nsayiwa pamaso papako bwila na bwila. Pakuti wewe Mwene Uwamaka Ghosi wanena, po ukwiza pakuyisaya inyumba yane ne mubombi wako bwila na bwila.”

1 Abamwene 9:5

nkwiza pakubwikazya ubumwene bwako mu Izilayeli bwila na bwila ukuyana namumo nkamulayizizya ughuso u Devedi, bo namubuzya ukuti, Utakwiza pakusobelwapo umuntu nayumoyumo uwakwikala pachitengo icha bumwene mu Izilayeli.”

1 Imbili 22:10

Umwana wako weyuyo akwiza pakunzengela Inyumba. Akwiza pakuba mwana wane, po ane nkwiza pakuba ne wise. Nkwiza pakwikazya ichitengo icha bumwene bwache mu Izilayeli bwila na bwila.’

1 Imbili 28:4

“Pope bulo akaba we Mwene u Chala uwa Izilayeli yuyo akansala pakasi pa bamunyumba iya tata ukuti imbanje ne mwene uwa ba Izilayeli bwila na bwila. Akamusala u Yuda ukuti abanje mulongozi sona pakasi pabaluko lwane, akabasala abamunyumba yane sona pakasi pa munyumba iya tata wane, u Mwene akahoboka nabo pakunyimika pakuba ne mwene uwa ba Izilayeli.

Masalimo 132:11

U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Masalimo 132:12

Nanti abana bako bakughakonka amalamulo ghane, sona ni ndaghilo zyane, zizyo nkubamanyisya, po abana babo bakwiza pakulaghila pabumwene bwako bwila na bwila.”

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 89:1

Nimbaye ulughano ulukulu nkani ulwa Mwene bwila na bwila, Nu mulomo wane ifumusyanje ubusubiliwa bwako ukuti bumanyikwanje ku nkulilo zyosi.

Masalimo 89:29

Nkwiza pakulwikazya uluko lwache pachitengo icha bumwene bwila na bwila. Po ubumwene bwache butakwiza pakuba nubumalilo ngati masiku agha mumwanya.

Masalimo 89:36

Ukuti uluko lwache lukwiza pakubangako bwila na bwila. Po ichitengo chache icha bumwene cha bwila na bwila pamaso papane ngati lizuba.

Masalimo 89:50

Wee Mwene, ukumbukaye mumo umubombi wako bamobezekezya, sona namumo nkujimbila umusamu uwa inko izinji.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Zekaliya 12:8

Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

Aba Loma 15:12

Sona wepe umulaghuzi u Yesaya akuti, “Weka uwa banyenya aba Yese akwiza; akwiza pakuzilaghila inko abantu babo bate ba Yuda; po abene bakwiza pakusubila mumwache.”

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”