Masalimo 89:16 - IBAYIBOLO 2024

¹⁶ Basekelaye mwitabwa lyako isiku lyosi, babupalaye ubugholosu bwako.

Masalimo 89:16 Iomraidhean Croise

Masalimo 105:3

Mumuchindikaye pakuti muzelu, po amoyo agha bantu babo bakumulonda ghasekelaye.

Masalimo 29:5

Izyu ilya Mwene likughapyolannya amakwi agha mwale, u Mwene akughapyolannya amakwi agha mwale agha mu Lebanoni.

Masalimo 29:7

Izyu ilya Mwene likwaka ngati kamesya.

Masalimo 33:21

Amoyo ghitu ghakuhoboka pachifukwa icha yuyo, pakuti tulisubiye itabwa lyache izelu.

Masalimo 40:10

Ntaghuvinditepo umoyo wane ukuti we mugholosu, loli nabafumuzizya abinji nizya busubiliwa nu bupoki bwako. Intakaluvindapo pakunena nizya lughano lwako nu bwanaloli, pakasi palukomano ulukulu nkani.

Masalimo 44:8

Tukwituvikizya mwa Chala akabalilo kosi, sona tukwiza pakulipala itabwa lyako bwila na bwila.

Masalimo 89:12

Ukapela ichisu icha kumitu nicha kuntende, amaghamba agha Taboli nilya Helimoni ghakusekela nukulipala itabwa lyako.

Yesaya 2:5

Mwee baluko ulwa Yakobo, zagha twendaye mulukozyo ulwa Mwene.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Aba Levi 25:8

“Mubelengaye Amaka Aghakutuzya seveni nukubalizya akaseveni, umwakuti Amaka Aghakutuzya ghabanje 49.

Aba Levi 25:9

Po pisiku ilya 10 ilya mwezi uwaseveni, pisiku ilyakupepesezya imbibi, mulizyanje amapati muchisu chinyu chosi.

Luka 1:47

umuzimu wane ghuhobokite, pachifukwa icha Chala Umupoki wane.

Aba Loma 1:17

Pakuti Amazyu Amiza ghakuvumbula namumo u Chala akubanenela abantu pakuba bagholosu pamaso papache: Ko kwendela mulwitiko ukwandila ko kubwandilo mupaka kubumalilo. Amasimbo ghakuti, “Abantu babo u Chala akubanena pakuba bagholosu ukwendela mu lwitiko, bakwiza pakuba nubumi.”

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”