Masalimo 89:10 - IBAYIBOLO 2024

¹⁰ Ukamutizannya u Ahabu ngati muntu umufwe. Namaka ghako amakulu nkani ukabanyampannya abalwani bako.

Masalimo 89:10 Iomraidhean Croise

Masalimo 144:6

Tumagha akamesya pakubanyampannya abalwani, sumba utulasilo twako pakubachimbizya.

Masalimo 59:11

Wee Mwene ingulu yitu, loli utakabaghoghaye, lumo abantu bane bangaluvya, Ubanyampannye na maka ghako, sona ubawisizye pasi.

Masalimo 65:8

Ichisu chosi ichapasi chikukunyila pavintu ivikulu vivyo wabomba. Ukufuma kubufumilo bwizuba mupaka kubwinjililo bwizuba pakwimba inyimbo izya lusekelo.

Masalimo 68:1

U Chala avundumukaye, abalwani bache banyampanaye, sona bosi babo bakubengite bachimbilaye pamaso papako.

Masalimo 68:30

Uvichemelaye ivinyamana vivyo vikwikala muntete, uludimo ulwankambaku zizyo zili mukasi mu ngwata. Bakanyankilaye abantu babo bakunyonywa ivyakufyula pabwite banyampannye abantu aba inko babo babughanite ubwite.

Masalimo 87:4

Pakasi pabantu babo bamenye ane, we Lahabu nu Babiloni, nu Filisiti, sona Tile, poka nu Etiyopiya, “Aba bo babo bakapapiwa mu Ziyoni.”

Yesaya 24:1

Ennya, u Mwene akwiza pakuchinangannya ichisu chosi ichapasi, nukuchipela pakuba chisami, akwiza pakuchandula akabonekele kache kosi, nukubanyampannya babo bakwikala mulamula,

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.