Masalimo 88:5 - IBAYIBOLO 2024

⁵ Indi ngati muntu yuyo bamulekite pakasi pabantu abafwe, sona indi ngati muntu yuyo aghoghiwe alambalaye mwipumpa. Umuntu yuyo mutangamukumbuka sona, umuntu yunuyu mutakumupasikizya nukumupasikizya.

Masalimo 88:5 Iomraidhean Croise

Ubwandilo 19:29

Bo u Chala anangannya utwaya utwa mwikombe tula, akamukumbuka u Abulahamu, akamupoka u Loti kuluzimilo lula lulo lukanangannya utwaya tuto u Loti akikalaghamo.

Ubwandilo 8:1

Loli u Chala akamukumbuka u Nowa poka ni vitekwa ni vinyamana vyosi ivyamuzi vivyo akaba navyo mubwato mulamula. Po akalamula ukuti impepo yande pakukuka, panapo na panapo amizi ghala ghakanda pakupwa.

Yobu 11:10

“Nanti u Chala iza nukukwighalila mujele, sona nanti iza nawe pamaso pa balongi, nkimba wewenu yuyo angamukanizya?”

Yobu 17:1

Umuzimu wane wavulala, amasiku ghane ghamala kale, sona ipumpa likundindililila.

Yobu 6:9

Nanti chingamuhobosya u Chala ukuti ansye bulo, nanti ankoma bulo ni nyobe yache nukunvulazya.

Masalimo 136:23

Akatukumbuka bo twe badedebazu. Ulughano lwache lwa bwila na bwila.

Masalimo 28:1

Wee Mwene nkulila kukwako we lyalabwe lyane, utakabanje ngati we mapuli. Pakuti nanti wabanga bulo myee, nkwiza pakuyana bulo na babo bali mumapumpa.

Masalimo 31:12

Abantu banduvizye ngati po infuye, naba ngati sonta infwantannye.

Masalimo 31:22

Bo nachenuka nkati, “Mwee nachimbiziwa pamaso papako!” Loli ukivwa ukulila kwane ukuti umpelelaye ichisa, bo nakwitizya ukuti unyavwe.

Masalimo 88:16

Ubukali bwako bukunfyenyelekezya pasi, po ivyakoghofya vyako vyope vyandema nukungogha.

Yesaya 53:8

Ukusamuliwa kwache kutakamuvighilila nukumulongela. Nkimba wewenu yuyo akinong'onelako na chicho akayimbilagha? Pakuti akefiwamo muchisu icha bumi. Akakomiwa pachifukwa icha bubibi ubwa bantu bane.

Ezekiyeli 37:11

Po u Mwene akambuzya akati, “Wee mwana uwa muntu, amafupa ghosi agha ba Izilayeli. Bakuti, ‘Amafupa ghitu ghumiye sona nulusubilo lwitu lope lwamala; tuyanite bulo nababo bakafwa.’