Masalimo 88:4 - IBAYIBOLO 2024

⁴ Nkupimiwa ngati ne muntu yuyo bakumwinjizya muchiliba. Eee, indi ngati muntu yuyo ate na maka.

Masalimo 88:4 Iomraidhean Croise

Yobu 17:1

Umuzimu wane wavulala, amasiku ghane ghamala kale, sona ipumpa likundindililila.

Masalimo 143:7

Wee Mwene, unyamule lubilolubilo, pakuti umuzimu wane wadedebala. Utakanfisilaye icheni chako, lumo ningayana na bantu babo bali mwipumpa.

Masalimo 28:1

Wee Mwene nkulila kukwako we lyalabwe lyane, utakabanje ngati we mapuli. Pakuti nanti wabanga bulo myee, nkwiza pakuyana bulo na babo bali mumapumpa.

Masalimo 30:9

“Nanti nafwa, nukwinjila mwipumpa nkimba ningakabapo ichoni? Nkimba ulufumbi lungakupala? Nkimba lungafumusya nizya busubiliwa bwako?

Masalimo 31:12

Abantu banduvizye ngati po infuye, naba ngati sonta infwantannye.

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Nkuto 3:15

U Mwene ampiye intamyo impalapala, pakuba chakulya chane sona ni chakung'wela chane.

Ezekiyeli 26:20

po nkwiza pakukusumba pasi poka na babo bakubuka kwipumpa, abantu abakale. Nkwiza pakukwikazya kusi kuchisu, mubuzilo ubwakale nkani, poka na bantu babo bakubuka kubuzilo ubwabafwe, mutakwiza pakunyokela sona nayumo uwakwikala mukasi mumwako, pamo pakusenda ubuzilo bwako muchisu icha abantu abumi.

Yona 2:6

Nkikila mupaka muntende umwa maghamba, kuchisu chicho inyighi zyighaliliwe bwila na bwila. Loli awe, wee Mwene u Chala wane, ukanyefyamo muchisu icha bantu abafwe, po ane ne mumi.

Aba Loma 5:6

Bo tuchili tuli badedebazu, u Kilisitu akabafwila abantu ababibi pakabalilo akiza kako u Chala umwenecho akakasala.

2 Aba Kolinti 1:9

Tukinong'ona ngati po kwadumuliwa ukuti tubaghiye pakughoghiwa. Loli izi zikabombiwa ukuti tutakisubilaye twebene, loli ukuti tumusubilaye u Chala, yuyo akubazyusya abantu abafwe.

2 Aba Kolinti 13:4

Napapo akaba ngati po mudedebazu bo akukomeliwa pachipinjika, loli ali nubumi ukwendela mumaka agha Chala. Pakuti naswe bulo twe badedebazu mumwache, loli tukwiza pakuba nubumi mumwache ukwendela mumaka agha Chala, umwakuti tubabombele.