Masalimo 88:11 - IBAYIBOLO 2024

¹¹ Nkimba ulughano lwako lukulumbililiwa mwipumpa, pamo ubusubiliwa bwako bukulumbililiwa mubuzilo ubwa kunanganika?

Masalimo 88:11 Iomraidhean Croise

Yobu 21:30

Ukuti umuntu umubibi akupona pisiku ilya ntamyo, akupona pisiku ilya bukali ubwa Chala?

Yobu 26:6

Ichisu icha bantu abafwe chili nkule pamaso pa Chala, sona ukunanganika kutavwinkiwe.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 6:6

Nalita pakukoloma, ubusiku bosi nkuchinyezya ichitala chane na masozi, sona nkuchidwibika mumasozi ichitengo chane.

Masalimo 73:18

Naloli wababika pabutyelemuke, po ukubawisya mupaka bananganike.

Ivyili 15:11

Nanti ubufwe nukunanganika vili pabuzelu bulo pamaso pa Mwene, po zingaba bulibuli nu moyo uwa muntu?

Yesaya 26:19

Loli abafwe binyu bakwiza pakuba bumi, amabili ghabo ghakwiza pakuzyuka kubufwe. Amwe mwe mukwikala mulufumbi, nyamuka nukukolomoka nukusekela. Inganda yako yili ngati nganda iya pandabindabi, ichisu ichapasi chikwiza pakubanyosezya ubumi abantu abafwe.

Ezekiyeli 37:3

Akandalusya akati, “Wee mwana uwa muntu, nkimba amafupa agha ghangaba nubumi?” Nkamula nkati, “Wee Mwene Uwamaka Ghosi, wewe wemwene uzimenye.”

Matayi 7:13

“Mwinjilaye pamulyango umufinye. Pakuti umulyango uwa kubuzilo ubwa lunanganiko mukulu, sona izila iyakubukila kuko mpepe, po binji babo bakwendamo.

Aba Loma 9:22

Umwakuyana bulo, wepe u Chala akalondagha pakulanjizya ubukali bwache, po akalondagha sona ukuti amaka ghache ghamanyikwe. Loli akabalanjizya abantu ubufisalyoyo bwache babo akabakalalila, sona babo bakabaghila pakuzimila.

2 Pitala 2:1

Kale abalaghuzi abamyasi bakabapo pakasi papinyu. Umwakuyana bulo, abamanyisi abamyasi bakwiza pakubapo pakasi papinyu. Bakwiza mubusyefu ni vimanyisyo ivyabumyasi ivyakunangannya mupaka na pakumukana u Mwene wabo yuyo akabatabula. Po bakwiza pakwipalaghulila bene ukunanganika ukwa kuchenusya bulo.