Masalimo 87:7 - IBAYIBOLO 2024

⁷ Abimbi naba kwimba batinji, “Imbwibwi zyitu zyosi zili mumwako.”

Masalimo 87:7 Iomraidhean Croise

2 Samuweli 6:14

U Devedi akimbagha pamaso pa Mwene na maka ghache ghosi, bo avwalite u efodi umutonte.

1 Imbili 23:5

Abanji 4,000 babanje balindilili pamulyango uwa lupaso, sona abanji 4,000 bamupalizyanje u Mwene ni vyakwimbila vivyo navibika ukuti vibombaye imbombo yiniyi.”

Masalimo 149:3

Balipalaye itabwa lyache bo bakujina, sona bimbaye inyimbo pakulilizizya ivisekeseke, ni vinanda.

Masalimo 36:9

Pakuti imbwibwi iya bumi yili nawe, sona tukwennya ulukozyo ukufuma mulukozyo lwako.

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Masalimo 68:26

Mumupalaye u Mwene palukomano ulukulu, sona mumupalaye u Mwene palukomano ulwa ba Izilayeli.

Yesaya 12:3

Nulusekelo mukwiza pakusembamo amizi muchiziba icha bupoki.

Ezekiyeli 47:1

Umuntu yula akanyosezya kumulyango uwa Nyumba iya Chala, po nkennya amizi ghakufuma kuzi ukwamulyango ghugho ghukennya kubufumilo bwizuba. Amizi ghala ghakikilagha kuntende ukwa lubazu ulwa Nyumba iya Chala, kuntende ukwa chighemo.

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.