Masalimo 86:9 - IBAYIBOLO 2024

⁹ Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Masalimo 86:9 Iomraidhean Croise

2 Imbili 6:33

ivwa uko kumwanya kuko ukwikala nukuvibomba vivyo umuyeni yula akukulaba, umwakuti abantu bosi aba pachisu ichapasi bangakumanya nukukwivwila, ukuyana namumo abantu bako aba Izilayeli bakubombela. Bunubu bakwiza pakumanya ukuti Inyumba yiyo nayizenga mumo ukwiza pakuchindikiliwangamo.

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 102:18

Izi zisimbiwanje pachifukwa icha nkulilo izya muntazi, umwakuti abantu babo batapapiwe bamupalaye u Mwene.

Masalimo 66:4

Abantu bosi pachisu ichapasi bakukufughamilila, sona bakukwimbila inyimbo izya mapalo, pakulipala itabwa lyako.”

Masalimo 67:7

U Chala akwiza pakutusaya, sona abantu bosi aba kubumalilo ubwa chisu ichipasi bakwiza pakumunyila.

Masalimo 72:19

Itabwa lyache lichindamu, lipaliwanje bwila na bwila, sona ichisu chosi ichapasi chizulaye nu buchindamu bwache. Ameni nu Ameni.

Masalimo 72:8

Akwiza pakulaghila ukwandila ko kunyanja mupaka ku kunyanja inkulu nkani, sona ukwandila ko kulusoko ulwa Yufuleti mupaka kubumalilo ubwa chisu ichapasi.

Yesaya 11:9

Mutakwiza pakubamo ukuvulaziwa, pamo ukunanganika pighamba lyane izelu, pakuti ichisu chikwiza pakwizula nu bumanyi ubwa Mwene ngati mumo amizi ghizuliye munyanja.

Yesaya 43:7

Wesi yuyo akwitiziwa itabwa lyane, yuyo nkamupela pachifukwa icha buchindamu bwane, yuyo nkamumata nukumupa ubumi.”

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Yesaya 66:23

Pisiku ilya Kupanta ukwa Mwezi ukufika Pisiku ilinji ilya Kupanta ukwa Mwezi ughunji, ukwanda Pisiku Ilyakutuzya ukufika Pisiku ilinji Ilyakutuzya, umuntu wesi akwiza pakwiputagha pantazi papane.” U Mwene anena.

Zefaniya 3:9

“Pakabalilo kalakala nkwiza pakuyiswefya imilomo iya inko umwakuti abantu bosi balichindikaye itabwa ilya Mwene, nukumubombela nu moyo ghoka.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Aba Loma 15:9

umwakuti na bantu babo bate ba Yuda bope bamuchindikaye u Chala pachifukwa icha chisa chache ukuyana na Masimbo aghakuti, “Pachifukwa chinichi nkwiza pakukuchindika pakasi pabantu babo bate ba Yuda. Nkwiza pakwimba inyimbo izyakulipala itabwa lyako.”

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 20:3

Uwantumi yula akamusumbila u Satana muchibanka ichibizu nkani nukumwighalila. Akamata umulyango umwakuti atakazizimbulepo nalumolumo inko izya bantu mupaka amaka 1,000 ghamale. Pisinda pache asatuliwanje ukwa kabalilo akapimpa bulo.