Masalimo 86:7 - IBAYIBOLO 2024

⁷ Pisiku ilya ntamyo zyane, nkukwitizya, po ukwiza pakunyamula.

Masalimo 86:7 Iomraidhean Croise

Masalimo 142:1

Nkulila umwakukolomoka kwa Mwene, nkumulilila u Mwene ukuti ampelele ichisa.

Masalimo 142:3

Nanti umuzimu wane wadedebala, awe akwiza pakumanya zizyo imbaghiye pakubomba. Po muzila zizyo nkwendamo, abantu bateghitemo ivipingo.

Masalimo 17:6

Wee Chala, nkukwitizya pakuti ukwiza pakunyamula, unteghelezyanje sona ivwa ulwiputo lwane.

Masalimo 18:6

Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Yesaya 26:16

Wee Mwene muntamyo zyabo bakakulonda, bakalaba kukwako, bo wabafunda.

Yona 2:2

“Wee Mwene bo indi muntamyo inkulu nkani nkakwitizya, po ukanyamula. Bo indi mukasi muchisu icha bantu abafwe, nkakulilila ukuti unyivwe, po ukanyivwa.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.