Masalimo 86:2 - IBAYIBOLO 2024

² Ubusungaye akiza ubumi bwane, pakuti ane niyipiye nkani kukwako, Awe we Chala wane we umupokaye umubombi wako, umubombi yuyo akusubiye.

Masalimo 86:2 Iomraidhean Croise

Masalimo 119:94

Mpoka, ane ne wako, Pakuti naghakonka amalamulo ghako.

Masalimo 13:5

Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

Masalimo 143:12

Pachifukwa icha lughano lwako, lulo lutakupotwapo nalumolumo. Ubazimizyanje abalwani bane. Ubanangannye bosi babo bakumbenga, pachifukwa ichakuti ne mubombi wako.

Masalimo 16:1

Wee Chala unsungililaye, pakuti nkuchimbilila kukwako.

Masalimo 18:19

Akanyefya mubupalapala, akampoka pachifukwa ichakuti akahoboka nane.

Masalimo 25:2

Wee Chala wane nkusubiye wewe. Utakitikizyanje ukuti nkoziwanje isoni, pamo ukubitikizya abalwani bane ukuti bampotaye.

Masalimo 31:1

Wee Mwene, awe we buzilo bwane ubwakuchimbililako. Utakitikizyanje nalumo ukuti nkoziwe isoni, unyavwe nukunvighilila pakuti we mugholosu.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 37:28

Pakuti u Mwene abughanite ubwanaloli, sona atakwiza pakubaleka bene abasubiliwa bache. Bakwiza pakuvighililiwa bwila na bwila, loli abana aba bantu ababibi bakwiza pakuzimila.

Masalimo 4:3

Muzimanye ukuti u Mwene isalila mwene abasubiliwa, sona akunyivwa bo nkumwitizya.

Masalimo 50:5

“Babungannye pamaso papane abantu bane abasubiliwa, babo bakafingana nane pakubika ichakwiyipa.”

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 17:11

Losi ulu nkwiza kukwako, ntakwiza pakwikala sona muchisu ichapasi umu awe, loli abene bali muchisu ichapasi. Tata Umuzelu, ubasunge akiza na maka agha itabwa lyako, itabwa lilyo ukampa, umwakuti babanje muntu weka ukuyana namumo awe nane tuli weka.

Aba Loma 9:18

Polelo u Chala ali ni chisa pa muntu wesi yuyo akumulonda, sona u Chala akughupela umoyo uwa muntu wesi pakuba mukafu ukuyana namumo u Chala umwenecho akulondela.

1 Samuweli 2:9

Akwiza pakuzizighilila inyayo izya bantu bache abasubiliwa. Loli abantu ababibi bakwiza pakuba bulo myee muchisi. “Umuntu atangapota na maka aghache na ghache.