Masalimo 86:15 - IBAYIBOLO 2024

¹⁵ Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:15 Iomraidhean Croise

1 Imbili 21:13

U Devedi akamubuzya u Gadi akati, “Awe, ane nkutamiwa nkani mumoyo wane. Leka ingwile munyobe izya Mwene, pakuti ichisa chache chikulu nkani. Loli utakanyitikizye ikuti ingwile munyobe izya bantu.”

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 111:4

U Mwene atakulonda ukuti tuluvyanje imbombo zyache izyakuswighisya. U Mwene wachisa sona wachililizi.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 145:8

U Mwene, wachisa sona wachililizi, atakukalala mwalwemwalwe, sona uwa lughano lulo lutakupotwangapo nalumolumo.

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Masalimo 98:3

Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Ukufuma 34:6

Po u Mwene akadumusannya kuntazi kwa Mozesi nukunena nizyu ilyapamwanya ukuti, “Mwene, Mwene u Chala uwachisa nu wachililizi, yuyo atakukalala lubilolubilo, walughano lulo lutakumala nu busubiliwa bwache.

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Aba Efeso 1:7

Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,