Masalimo 85:9 - IBAYIBOLO 2024

⁹ Naloli ubupoki buli papipi na bantu babo bakumunyila, po ubuchindamu bwache bubanjeko pachisu chitu.

Masalimo 85:9 Iomraidhean Croise

Masalimo 119:155

Ubupoki buli kubutali nkani na babibi. Pakuti batakwivwila amalamulo ghako.

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Yesaya 4:5

Po u Mwene akwiza pakubika ibingu pamwanya pabuzilo bosi ubwa pighamba ilya Ziyoni na pamwanya pachilundilo chache, pamusanya akwiza pakubavwinka ni bingu ilya lyosi ubusiku nutulabi utwakulama utwa moto. Pamwanya pabuchindamu pakwiza pakuba ichakuvwinka.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yelemiya 23:35

Loli nanti mukunenezannya nu mumanyani pamo umupalamani wesi mutinji, ‘Nkimba u Mwene amuye ichoni?’ pamo ‘Nkimba u Mwene akunena ichoni?’

Yelemiya 23:37

Izi zyo zizyo mukumulalusya umulaghuzi mukuti, ‘Nkimba u Mwene amuye ichoni?’ pamo ‘Nkimba u Mwene anenite ichoni?’

Yelemiya 29:11

Pakuti inzimenye zizyo imbayanizizye, te bubibi awe, loli pakubapa ulusubilo ni ntazi inyiza.

Ezekiyeli 26:20

po nkwiza pakukusumba pasi poka na babo bakubuka kwipumpa, abantu abakale. Nkwiza pakukwikazya kusi kuchisu, mubuzilo ubwakale nkani, poka na bantu babo bakubuka kubuzilo ubwabafwe, mutakwiza pakunyokela sona nayumo uwakwikala mukasi mumwako, pamo pakusenda ubuzilo bwako muchisu icha abantu abumi.

Ezekiyeli 3:10

Po akambuzya akati, “Wee mwana uwa muntu, teghelezya nkani amazyu ghosi nukughasunga mumoyo, ghagho nkukubuzya.

Habakuku 2:1

Nkwiza pakwimilila pabuzilo ubwakulindililapo, nukwikala pachitembe, nkwiza pakulindilila nukwennya zizyo akwiza pakumbuzya, sona na zizyo akwiza pakunyamula ukuyana nukwilumbusya kwane.

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Zekaliya 2:8

Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 7:17

Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane.

Imbombo 13:16

U Pabuli akimilila, akapumizya ichongo ni nyobe yache nukwanda pakunena ukuti, “Mwee ba Izilayeli, sona namwe bantu mwe mute ba Yuda mwe mukumwiputa u Chala, munteghelezye!

1 Samuweli 3:9

Po u Eli akamubuzya u Samuweli akati, “Buka kaghonaye, nanti akukwitizya sona uti, ‘Nena Mwene, pakuti ne mubombi wako nkwivwa.’ ” U Samuweli akanyokela pakulambalala.