Masalimo 85:8 - IBAYIBOLO 2024

⁸ Nkuziteghelezya zizyo u Chala u Mwene akunena. Akubalayizya umutende abantu bache, abantu bache abazelu. Batanyokele sona kubupunganu bwabo.

Masalimo 85:8 Iomraidhean Croise

Ubwandilo 34:7

Pakabalilo kalakala abana aba Yakobo bakabwelako kuludimo kula. Bo abana bala bivwa zizyo zikabombiwa bakakalala nkani pachifukwa ichakuti u Shekemu akabomba ichintu ichamusamu nkani mu Izilayeli pakumulema pamaka umwana uwa Yakobo.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 29:11

U Mwene akubapa amaka abantu bache, u Mwene akubasaya abantu bache nu mutende.

Masalimo 50:5

“Babungannye pamaso papane abantu bane abasubiliwa, babo bakafingana nane pakubika ichakwiyipa.”

Ivyili 25:11

Izyu lilyo likuneniwa pakabalilo kache lili ngati manyele agha golide muchakubikilamo icha siliva.

Ivyili 27:22

Napapo umupunganu ungamupulila mwituli poka ni vilombe, utangabwefya ubupunganu bwache.

Yesaya 57:19

nukwimba amapalo pamilomo iya babo bakulila mu Izilayeli. Umutende, umutende, ku bantu, babo bali papipi nakubutali, sona nkwiza pakubapozya.” U Mwene anena.

Habakuku 2:1

Nkwiza pakwimilila pabuzilo ubwakulindililapo, nukwikala pachitembe, nkwiza pakulindilila nukwennya zizyo akwiza pakumbuzya, sona na zizyo akwiza pakunyamula ukuyana nukwilumbusya kwane.

Hagayi 2:9

‘Ubuchindamu ubwa Nyumba impya bukwiza pakubuchila ubuchindamu ubwa Nyumba iyakale, mubuzilo bula nkwiza pakubikamo umutende nu bwabuke.’ ” U Mwene Uwamaka Ghosi anena.

Zekaliya 9:10

U Mwene akuti, “Nkwiza pakuzyefya ingolo izya bwite kwa Efulayimu, sona ifalasi izya bwite kwa Yelusalemu, bope ubwele ubwakulwila ubwite bukwiza pakupyoliwa. U mwene winyu akwiza pakufumusya umutende pakasi pa inko zyosi. Ubulaghili bwache bukwiza pakwandila kunyanja mupaka kunyanja iyinji, ukwandila sona kulusoko ulwa Yufuleti mupaka kubumalilo ubwa chisu.

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Yohani 20:19

Pisiku ilinji, bo lyachila Isiku Ilyakutuzya, pakabalilo aka pachamabwila, abamanyili bakakomana poka munyumba. Inyiyi zikaba nyighalile nkani, pachifukwa ichakuti bakabanyilagha abalaghili aba Chiyuda. Po u Yesu akiza nukwimilila pakasi papabo nukuti, “Umutende ghubanje namwe!”

Yohani 20:26

Bo pachilapo usabata weka abamanyili bakakomana sona munyumba, u Tomasi akaba poka nabo. Inyiyi zikaba nyighalile nkani, loli u Yesu akiza, akimilila pakasi papabo nukuti, “Umutende ghubanje namwe.”

Yohani 5:14

Pisinda pache u Yesu akamwagha mu Nyumba iya Chala nukumubuzya ukuti, “Ivwa kuno, ilelo wapola, utakabombe sona imbibi, ukuti ichintu chimo ichibibi chingakuwila.”

Yohani 8:11

Umukolo yula akamwamula akati, “Wee Mwene, nayumo umuntu.” U Yesu akati, “Nane bulo intakukususya. Bukagha, utakabombaye sona imbibi.”]

Imbombo 10:36

Mughamenye amazyu ghagho u Chala akabatumila aba Izilayeli, pakubabuzya Amazyu Amiza aghamutende ukwendela mwa Yesu Kilisitu, yuyo we Mwene uwa bosi.

Imbombo 3:26

Po u Chala akasala umubombi wache nukumutuma tasi kukwinyu, pakubasaya amwe ukuti umuntu wesi apinduke kuzila zyache izya bubibi.”

Aba Galatiya 4:9

Loli pakuti ilelo mumumenye u Chala pamo ukumanyikwa nu Chala, po bulibuli ukuti munyokele kunyiho izya chisu ichapasi zizyo zite ni mbombo, sona zizyo zite namaka? Nkimba mukulonda mubanje sona mwe bazya aba vintu vinivi?

Aba Efeso 2:17

Po u Kilisitu akiza nukulumbilila umutende kukwinyu, amwe mwe mukaba kubutali nu Chala, sona na bantu babo bakaba papipi nawe.

2 Aba Tesalonika 3:16

U Mwene, umwenecho uwa mutende abapanje umutende pakabalilo kosi, sona na muzila zyosi. U Mwene abanje namwe mwebosi.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.

1 Samuweli 25:25

Mwene wane, utakamuteghelezyanje u Nabali umuntu umupunganu uyu. Ayanite bulo namumo itabwa lyache likung'anamulila, kokuti mupunganu! Loli ane ne wambombo wako, ntakabennya abantu bako babo ukabatuma.