Masalimo 84:7 - IBAYIBOLO 2024

⁷ Amaka ghabo ghakukulilakulila, po bakwiza pakuboneka pamaso pa Chala mu Ziyoni.

Masalimo 84:7 Iomraidhean Croise

Yobu 17:9

Pope bulo, abagholosu bakwenda muzila zyabo, po yuyo musita chifukwa akukula wamaka.

Masalimo 122:2

Wee Yelusalemu, losi ulu tuli pano, inyayo zyitu zyimiliye mukasi mumilyango yako.

Masalimo 42:2

Umoyo wane ghuli ni nyota nu Chala, u Chala umumi. Po nkimba nkwiza pakubuka liyi pakumwiputa u Chala?

Masalimo 43:3

Tumagha ulukozyo lwako nu bwanaloli bwako, umwakuti vindongozyanje. Vileke vinfisye pighamba lyako izelu, bubo buzilo bwako ubwakwikalako.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yesaya 58:11

U Mwene akwiza pakukulongozya akabalilo kosi, nukubapa ivintu ivyiza, nukubapa amaka mumabili ghinyu. Mukwiza pakuba ngati mughunda, ghugho ghusembeliwe akiza, ngati chiziba chicho amizi ghatakumalamo.

Yelemiya 31:6

Akabalilo kakwiza pakufikila, kako abalindilili aba pamaghamba agha Efulayimu bakwiza pakukolomoka ukuti, ‘Tubukaye ku Ziyoni, kwa Mwene u Chala witu.’ ”

Ezekiyeli 34:26

Nkwiza pakubasaya abantu bane poka nu buzilo bubo buzyunguliye akaghamba kane. Nkwiza pakutuma ivula pakabalilo kache, po yikwiza pakuba vula iya lusayo.

Zekaliya 14:16

Po abantu bosi abakusyala bumi pakasi pa inko, babo bakalwanga ubwite nu Yelusalemu, bakwiza pakubukagha pakumwiputa u Mwene, umwaka nu mwaka u Mwene Uwamaka Ghosi nukuba nu Lusekelo ulwa Visakasa.

Luka 2:24

Bakabuka sona pakubika ivyabupi ukuyana ni Ndaghilo izya Mwene ukuti, “Babikaye intozi zibili pamo utwana tubili utwa nkunda pakuba chakwiyipa.”

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Yohani 14:3

Sona bo nabuka pakubayanizya ubuzilo, nkwiza sona pakubasenda, umwakuti kuko indiko, ko kuko namwe bulo mubanje.

Yohani 15:2

Akudumula papane akasamba kosi kako katakwela ivikomwa, loli akupalantila akasamba kosi kako kakwela ivikomwa, umwakuti kele ivikomwa ivyinji.

Yohani 6:39

Po ubwighane ubwa yuyo akantuma bwakuti intakataghepo nayumo mubantu babo ampiye, loli ukuti imbazyusye bosi pisiku ilyabumalilo.

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

Ukukumbusya Amalamulo 16:16

Abanavuli bosi abaluko lwinyu bizaghe katatu pamwaka pamaso pa Mwene u Chala winyu pabuzilo bubo akwiza pakubusala, bo mukuba nu Lusekelo ulwa Chibama chicho chite ni chilungo nu Lusekelo ulwa Nyinulo, sona nu Lusekelo ulwa Visakasa. Patakabepo nayumoyumo umwanavuli uwakwiza nyobe zyene pamaso pa Mwene.

1 Aba Tesalonika 4:17

Pisinda pache aswe twe tuchili twe bumi, sona twe twasyala, tukwiza pakubungana poka nabo mu mabingu pakukomana nu Mwene mumwanya. Po tukwiza pakuba nu Mwene bwila na bwila.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.