Masalimo 84:11 - IBAYIBOLO 2024

¹¹ Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Masalimo 84:11 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Masalimo 119:114

Awe we buzilo bwane ubwakuvwamilamo, sona we ngulu yane, indisubiye izyu lyako.

Masalimo 15:2

Banaba bo babo bate ni chilema nachimochimo, babo bakubomba ingolosu, sona bo babo bakunena ubwanaloli ukufuma pasi pamoyo ghabo.

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 3:3

Loli wee Mwene awe we ngulu yane, we buchindamu bwane, sona we ukughukazya nkani umoyo wane.

Masalimo 47:9

Abalongozi aba pachisu ichapasi babunganite poka, ngati bantu aba Chala uwa Abulahamu. Pakuti abamwene aba pachisu ichapasi ba Chala, yuyo wapamwanya nkani.

Masalimo 84:9

Wee Chala, ennya ingulu yitu. Mupelelaye ichisa umupakiwa wako.

Masalimo 85:12

Naloli u Mwene abapanje ivintu ivyiza, po ichisu chitu chope chipanje inyinulo inyiza.

Ivyili 10:9

Umuntu umugholosu akwikalagha umwakufwasa, loli yuyo akwenda muzila inyonganu akulemiwa.

Ivyili 2:7

Akubasungila ubupoti abagholosu munyumba yache, we ngulu iya bantu babo bate ni chilema nachimochimo.

Ivyili 28:18

Umuntu yuyo ate ni chilema nachimochimo akuba mumutende, loli yuyo imbombo zyache nyonganu akuwila muchiliba.

Ivyili 28:6

Chizapo pakuba mupina yuyo ate ni chilema nachimochimo, nukuchila pakuba mukabi yuyo inkalo yache nyonganu.

Mika 2:7

Wee Izilayeli, nkimba Umuzimu uwa Mwene akalaye? Nkimba akuvibomba ivintu ngati vinivi? Fwandi amazyu ghane ghatakubomba inyiza, ku muntu yuyo izila zyache ngolosu?

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Yohani 1:9

Ulukozyo ulwanaloli lulo lukubalamila abantu bosi lukizagha muchisu ichapasi.

Yohani 8:12

U Yesu akanena sona naba Falisayi akati, “Ane ne lukozyo ulwa chisu ichapasi. Umuntu wesi yuyo akunkonka akwiza pakuba nulukozyo ulwa bumi, po atakwiza pakwendamo nalumolumo muchisi.”

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

Aba Galatiya 2:14

Bo nennya ukuti batakubomba ukuyana nu bwanaloli ubwa Mazyu Amiza, nkamubuzya u Pitala pamaso pa bosi ukuti, “Awe we mu Yuda, loli awe wabombagha ngati po we muntu yuyo ate mu Yuda. Po ukubafyenga bulibuli abantu babo bate ba Yuda ukuti babombaye ngati po ba Yuda?”

Ukukumbusya Amalamulo 18:2

Batakabanje ni mpyana pakasi pa bakamu babo. Impyana yabo we Mwene, ukuyana namumo akabalayizizya.

Aba Filipi 1:6

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

Aba Filipi 4:19

U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.