Masalimo 83:18 - IBAYIBOLO 2024

¹⁸ Bakumanye ukuti naloli awe itabwa lyako we Mwene, we Wakumwanya Nkani pachisu chosi ichapasi ichi.

Masalimo 83:18 Iomraidhean Croise

Ubwandilo 22:14

U Abulahamu akabwita ubuzilo bula ukuti “U Mwene akupa.” Nilelo bulo abantu bakuti, “Pighamba ilya Mwene, yuyo akupa.”

1 Abamwene 18:37

Wee Mwene nyamula! Unyamule umwakuti abantu banaba bamanye ukuti awe we Mwene we Chala, sona nukuti ukubanyosezya sona kukwako.”

2 Abamwene 19:19

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

Masalimo 18:13

U Mwene akajilimisya kumwanya, sona izyu ilya Uwakumwanya Nkani likivwika.

Masalimo 35:4

Bakoziwanje isoni babo bakubulondelezya ubumi bwane sona basamuliwanje. Bakoziwanje isoni babo bakubatika pakumbombela ivibibi sona banyokelaye kwisinda

Masalimo 59:13

Wee banangannye mubukalale bwako, ubanangannye mupaka bazimile bosi. Po abantu bakwiza pakumanya ukuti u Chala akumulaghila u Yakobo mupaka kubumalilo ubwa chisu ichapasi.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Masalimo 9:2

Nkwiza pakuhoboka nukusekela pachifukwa icha wewe, sona nkwiza pakulipalagha itabwa lyako, wee Wakumwanya Nkani.

Masalimo 92:8

Loli awe we Mwene upaliwanje bwila na bwila.

Masalimo 97:9

Wee Mwene, we Wakumwanya Nkani pachisu chosi ichapasi, we wamaka ukubachila abachala bosi.

Ukufuma 6:3

Ane ne Chala Uwamaka Ghosi. Nkamubonekela u Abulahamu nu Yisaki sona nu Yakobo, loli intakitambula itabwa lyane ukuti ne Mwene.

Yesaya 42:8

“Ane ne Mwene linili lyo litabwa lyane! Ntakwiza pakubapa ubuchindamu bwane abantu abanji, pamo pakuvipa ivifwani amapalo ghane.

Yesaya 5:16

Loli u Mwene Uwamaka Ghosi akwiza pakukweziwa nubwanaloli bwache, po u Chala umuzelu akwiza pakwilanjizya mwene, pakuba muzelu mubugholosu bwache.

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Yelemiya 16:21

U Mwene akuti, “Po nkwiza pakubamanyisya lyoka bulo amaka ghane nu bukulu bwane. Po bakwiza pakumanya ukuti, ane ne Mwene.”

Ezekiyeli 30:19

Po nkwiza pakuwisizya ulufundo lwane pa Ijiputi, sona bakwiza pakumanya ukuti ane ne Mwene.’ ”

Ezekiyeli 38:23

Po nkwiza pakulanjizya ubukulu bwane nubuzelu bwane, sona nkwiza pakwivumbula pamaso pa inko inyinji. Po bakwiza pakumanya ukuti ane ne Mwene.”

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Zekaliya 4:14

Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”