Masalimo 83:14 - IBAYIBOLO 2024

¹⁴ Ngati mumo umoto ghukochela umusitu, sona mumo impesese zikochela amaghamba.

Masalimo 83:14 Iomraidhean Croise

Yobu 21:18

Nkimba kalinga kako bakuba ngati lisote pantazi pampepo, ngati lyelelo lilyo ukankungu akupupuzya?

Yesaya 17:13

Napapo inko zikuzuma ngati kupoma ukwa mayigha, bo aghachemela ghakuchimbilila kubutali, ghakuchimbila pantazi pa mpepo ngati lyelelo pighamba, sona ngati lufumbi ulwa kankungu.

Yesaya 30:33

Pakuti ubuzilo ubwa kochelapo ivintu buyaniziwe kale, bwayaniziwa zila kwa mwene uwa ku Asiliya. Ichiliba icha moto chinichi chibizu, sona ichikulu chiyaniziwe chizuye numoto sona ninkwi, umuyi uwa Mwene ghuli, ngati kasoko aka sulufule kakupemba umoto.

Yesaya 9:18

Naloli ububibi bukwaka ngati moto ukocha abantolovu na mivwa, ukocha umusitu, sona ilyosi lyache likukwela kumwanya ngati libingu.

Nahumu 1:10

Bakwiza pakochiwa mumoto ngati mivwa, sona ngati mapelele amumizu. Abaching'wela bakwiza pakochiwa mumoto.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.