Masalimo 82:8 - IBAYIBOLO 2024

⁸ Wee Chala, vundumuka, chilongaye ichisu ichapasi, pakuti abantu aba inko zyosi yo mpyana yako.

Masalimo 82:8 Iomraidhean Croise

Masalimo 102:13

Ukwiza pakunyamuka nukukapelela ichisa akaya akakulu nkani aka Ziyoni. Pakuti aka ko kabalilo akakulanjizya ichisa, sona akabalilo akenecho kafika.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 2:8

Undabe wennye, nkwiza pakukupa inko pakuba mpyana yako, sona ichisu chosi ichapasi chikwiza pakuba chako.

Masalimo 22:28

Pakuti u Mwene we mwene, sona akuzilaghila inko zyosi.

Masalimo 44:26

Nyamuka nukutwavwa, sona ututabule pachifukwa icha lughano lwako lulo lutakupotwa nalumolumo.

Masalimo 7:6

Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Masalimo 94:2

Wee Chala we mulongi uwa bantu bosi, vundumuka bapanje abantu abakwituvya vivyo vibabaghiye.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Mika 7:2

Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”