Masalimo 82:5 - IBAYIBOLO 2024

⁵ “Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

Masalimo 82:5 Iomraidhean Croise

Yobu 8:9

Aswe twe babonda aba mumabwila, tutakumanyapo nachimochimo, pakuti amasiku ghitu muchisu ichapasi ghali ngati muzyezye bulo.

Masalimo 11:3

Nanti ulwalo lukunanganika, nkimba abagholosu bangabomba ichoni?”

Masalimo 14:4

Fwandi ababomba imbibi bate na mahala? Bo babo bakubalya abantu bane ngati po bakulya chibama, sona bo babo batakumwiputa u Mwene.

Masalimo 53:4

Fwandi ababomba imbibi bate na mahala? Bobabo bakubalya abantu bane ngati po bakulya chibama, sona bobabo batakumwiputa u Chala.

Masalimo 75:3

Bo ichisu ichapasi chikuyingana, sona bo abantu bakutetema, nene nkuchilema nukuzikazya impanda zyache.

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Ivyili 1:29

Pachifukwa ichakuti bakaghabenga amahala nukukana pakumunyila u Mwene,

Ivyili 2:13

Bakuzileka izila ingolosu loli bakwenda muchisi.

Ivyili 4:19

Loli izila iya bantu ababibi yili ngati chisi ichakoghofya, batakuchimanya na chicho chibapunuzizye.

Umulumbilili 2:14

Umuntu uwamahala akwennya kuntazi, loli umupunganu akwenda muchisi. Pope bulo nkagha ukuti intamyo zikubawila bosi babili banaba.

Umulumbilili 3:16

Ichintu choka chicho nachennya pachisu ichapasi chakuti, papo pali ubulongi ubwanaloli pali ububibi sona papo pali ubugholosu, ububibi bope buli palapala.

Yesaya 5:7

Umughunda uwa mampesya uwa Mwene Uwamaka Ghosi we Izilayeli, abantu aba mu Yuda vyo vibyalwa vyane vivyo nkuhoboka navyo. Akasubilagha ukuti babombaye ubwanaloli, loli akennyanga ibanda, akasubilagha ubugholosu, loli akivwanga ukulila ukwakuyiviwa kwene.

Yesaya 59:9

Ubwanaloli bulikubutali naswe, sona ubugholosu butakutwagha. Tukulonda ulukozyo, loli tukuchagha ichisi chene, sona tukulonda ukulama, loli tukwenda muchisi nkani.

Mika 3:1

Po nkati, “Mwe balongozi aba Yakobo, mwe balaghili aba Izilayeli, teghelezya, nkimba te mwemwe mubaghiye pakubumanya ubwanaloli?

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Yohani 3:19

Iyi yo nongwa iya kubalongela: Ulukozyo lwizite muchisu ichapasi, loli abantu bachighanite nkani ichisi ukuchila ulukozyo pakuti imbombo zyabo mbibi.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

1 Yohani 2:11

Loli nanti umuntu amubengite umukamu wache, kokuti achili ali muchisi. Akwenda muchisi sona atakumanya na kuko akubuka, pachifukwa ichakuti ichisi chamupela pakuba mufwamaso.