Masalimo 82:3 - IBAYIBOLO 2024

³ Mubimilaye abadedebazu na balanda, mulongelaye mubwanaloli inongwa izya bapina, sona na bakuyimba.

Masalimo 82:3 Iomraidhean Croise

Yobu 29:12

pakuti nkabapokagha abapina babo bakalondagha ubwavwilizi, na bana abalanda babo batakaba nayumo uwakubavwa.

Yobu 31:21

nanti nkabazimbula abana abalanda, pachifukwa ichakuti abalongi bakaba kulubazu lwane,

Masalimo 10:18

Ubimilaye abalanda na bakuyiviwa ukuti umuntu wesi, yuyo akwikala pachisu ichapasi, atakaboghofyanje sona.

Ukufuma 23:3

Nanti ukulonga inongwa iya muntu umupina, utakalongaye pakwennya icheni.

Ukufuma 23:6

“Utakabunyongannye ubwanaloli pa nongwa iya muntu umupina

Ivyili 31:9

Unenaye sona ulongelaye mubwanaloli, ubimilaye abapina na bapotwe.

Yesaya 1:17

Mumanyilaye pakubomba imbombo ingolosu, mubombelaye mubwanaloli, sona mubakazyanje abantu babo bakuyivyiwa. Mubasungililaye abana abalanda sona mubimilaye abakolo abafwilwe pa nongwa zyabo.”

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 22:16

Akabalongela akiza inongwa abapina na bakusobelwa, vyosi vikamwendela akiza. Nkimba ichi chitakulanjizya ukuti ammenye? Ane ne Mwene nanena.

Yelemiya 22:3

U Mwene akuti: Ulongelaye inongwa mubugholosu na mubwanaloli. Umupokaye umuntu munyobe izya bayinvyi sona na yuyo afyuliwe ivyache. Utakamubombelaye nachimochimo ichibibi umuyeni, pamo umupina, pamo umwana umulanda, pamo umukolo umufwilwe, sona utakakupulaye ibanda ilya bantu babo bate nakalema mubuzilo bunubu.

Yelemiya 5:28

binite sona bali na mabili amatyelemusu. Ububibi bubo bakubomba bute ni mpaka, batakulongela mubugholosu inongwa izya bana abalanda ukuti zibendele akiza sona batakubalwila abantu abapina.

Zekaliya 7:9

“U Mwene Uwamaka Ghosi akuti, ‘Wenelezye ukuti ubwanaloli bukubombiwa, ubapelelaye ichisa abantu sona mubanje nichililizi ku weka na weka.

Ukukumbusya Amalamulo 10:18

Akubalwila abana abalanda na bakolo abafwilwe. Akubaghana abayeni babo bakwikala pakasi papinyu, sona akubapa ichakulya na menda.

Ukukumbusya Amalamulo 24:17

Mubalongelaye mubwanaloli abayeni pamo abalanda, sona mutakamufyule umwenda umukolo umufwilwe pakuba chikole.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.