Masalimo 81:7 - IBAYIBOLO 2024

⁷ Bo muli muntamyo mukanyitizya, po nkabapoka, nkabamula bo indi mwibingu, po nkabayela pambwibwi iya mizi pa Meliba.

Masalimo 81:7 Iomraidhean Croise

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Ukufuma 14:10

Bo aba Izilayeli bamwennya u Falabo na basilikali bache bakubakonka, bakanyila nkani, bakamulilila u Mwene ukuti abavwe.

Ukufuma 14:24

Kubuche bo u Mwene ali mumpanda iya libingu na mumpanda iya moto akabennya abasilikali aba ba Ijiputi nukubavulungannya.

Ukufuma 19:19

Sona ipati likendelela pakulila. Bo u Mozesi akunena, u Chala akamwamula nukupaya.

Ukufuma 2:23

Bo ghachilapo amaka aminji nkani, u mwene uwamu Ijiputi yula akafwa, loli aba Izilayeli bakakoloma nkani pachifukwa icha buzya bwabo. Bakalililagha ubwavwilizi, po u Chala akivwa ukukoloma kwabo.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Yelemiya 16:14

U Mwene akuti, “Akabalilo kakwiza kako abantu batakwiza pakunena sona ukuti, ‘Nkulapila mwa Mwene umumi, yuyo akabefyamo aba Izilayeli muchisu icha Ijiputi,’

Ukubelengiwa 20:13

Ubuzilo bunubu bakabwita ukuti amizi agha Meliba pakuti bukaba buzilo bubo aba Izilayeli bakilumbusya nu Mwene, sona papo akilanjizya mwene pakasi papabo pakuba muzelu.

Ukubelengiwa 20:24

“U Aloni atakwiza pakwinjilamo muchisu chicho nkubapa aba Izilayeli. Akwiza pakufwa pachifukwa ichakuti mwebosi babili mukalusambukila lulaghilo lwane pamizi agha Meliba.

Ukukumbusya Amalamulo 33:8

Nizya uluko ulwa Levi akati, “Wee Mwene vumbula ubwighane bwako ukwendela mwa Tumimu nu Ulimu, ukwendela mu mubombi wako umusubiliwa u Levi. Ukamuyela pa Masa nukudalinkana nawe pamizi agha Meliba.

Ukukumbusya Amalamulo 5:6

“Ane ne Mwene u Chala winyu, ne nkabefyamo mu Ijiputi mumo mukaba mwe bazya.