Masalimo 81:1 - IBAYIBOLO 2024

¹ Mumwimbilaye nu buhobosu u Chala witu yuyo maka ghitu, mumwimbilaye u Chala uwa Yakobo umwakukolomoka!

Masalimo 81:1 Iomraidhean Croise

Ubwandilo 50:17

ukuti, ‘Twalamba, ubahobokele abawamwinyu kububibi bubo bakakunangila.’ Aswe twe bambombo aba Chala uwa ghuso, tukulaba uluhobokelo.” Bo u Yosefu apokela amazyu ghanagha akalila.

1 Imbili 6:17

Abana aba Gelishoni bo aba: u Libini nu Shimeyi.

Masalimo 28:7

U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 50:1

U Chala Uwamaka Ghosi, u Mwene akunena, nukubitizya abantu muchisu chosi ichapasi, ukwandila kuko izuba likufumila mupaka kubwinjililo.

Masalimo 52:7

“Mwennye umuntu yuyo atakumusubila u Chala pakuba lilinga lyache, loli akubusubila ubukabi bwache, sona akuba na maka pakunangannya abanji.”

Masalimo 66:1

Mwee bantu aba pachisu ichapasi, mukolomokaye pakumupala u Chala.

Masalimo 67:4

Abantu aba inko izinji bahobokaye, sona bimbaye pachifukwa icha buhobosu. Pakuti ukubalongela abantu aba inko zyosi mubwanaloli, sona ukubamanyisya abantu aba inko izinji pachisu ichapasi.

Masalimo 8:1

Wee Mwene, u Mwene witu, itabwa lyako likulu nkani pachisu chosi ichapasi! Ubuchindamu bwako bufikite ko kumwanya.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Matayi 22:32

‘Ane ne Chala uwa Abulahamu nu Chala uwa Yisaki sona nu Chala uwa Yakobo.’ We Chala uwa bantu abumi, ate uwa bantu abafwe.”

Aba Filipi 4:13

Ningabomba ichintu chosi ukwendela mumwache yuyo akumpa amaka.