Masalimo 80:9 - IBAYIBOLO 2024

⁹ Ukaghalimila umughunda amampesya ghala, po aghene ghakamela amagululuzi amibizu nkani, amagululuzi ghala ghakataba posi na posi pachisu.

Masalimo 80:9 Iomraidhean Croise

2 Samuweli 7:10

Nkwiza pakubapa ubuzilo abantu bane aba Izilayeli, sona nkwiza pakubikazya, umwakuti babanje nakaya akabo na kabo, nukubazighilila kubalwani babo. Abantu ababibi batakwiza pakubayivya sona, ngati mumo bakabombelagha pakwanda pala,

1 Abamwene 4:20

Abantu aba muchisu icha Yuda nicha Izilayeli bakaba binji nkani ngati musesenga uwa mulubazu ulwa nyanja. Bakaba bantu abakuhoboka nkani pachifukwa ichakuti bakaba ni vyakulya, sona ni vyakung'wela ivyinji nkani.

1 Abamwene 4:25

Pakabalilo kosi aka Solomoni, abantu bosi aba muchisu icha Yuda nicha Izilayeli bakaba mubwabuke, ukwandila ku Dani mupaka ku Belisheba. Umuntu wesi akikalagha umwakufwasa mu mampesya aghache na ghache, sona na makwi agha ikuyu.

1 Imbili 21:5

U Yowabu akamupa u Devedi ubwinji bosi ubwa bantu babo bangalwa ubwite. Muchisu chosi icha Izilayeli mukabamo abantu 1,100,000, sona na mope mu Yuda bakabamo 470,000.

Masalimo 105:44

Akabapa ichisu icha bantu aba inko izinji, po bakachisenda pakuba mpyana yabo, ichisu chicho abantu abanji bakayimbilapo.

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Yesaya 27:2

Pisiku lilalila U Mwene akwiza pakwimba, nizya mughunda uwa mampesya uwakumuhobosya ukuti:

Yesaya 27:6

Mumasiku ghagho ghakwiza abaluko ulwa Yakobo bakwiza pakwisimika, u Izilayeli akwiza pakuba ni samba sona akwiza pakubazya, sona akwiza pakwizuzya ichisu chosi ichapasi ni vikomwa.

Yesaya 37:31

Abamunyumba iya Yuda abakusyalako bakwiza pakumela amagululuzi nukwela ivikomwa.

Yesaya 5:2

Akaghudibula nukufumyamo amabwe, akabyalamo amampesya amiza nkani. Akaghuzengela ichitembe nukukumba ichiliba ichakukanyilamo amampesya. Akalindilila pakuyaba amampesya amiza, loli amampesya ghala ghakababagha.

Yelemiya 12:2

Wewe ukubyala makwi sona amagululuzi ghache ghakwisimika ghakukula nukwela ivikomwa. Bakukunena akabalilo kosi, loli amoyo ghabo ghali kubutali nawe.

Yelemiya 2:21

Loli nkakubyala ngati mampesya amiza ghagho ghafumite mwikwi ilyiza. Po nkimba ukandeka bulibuli nukwipela pakuba mampesya agha mwisote?

Yoshwa 24:12

Nkabatumila amavwivwi ghagho ghakabaluma pamaso papinyu. Nkabachimbizya sona abamwene babili aba ba Amoli. Amwe mutakabombezyapo upanga pamo ubwele.